چل رۆژیا نعمه‌ت مه‌حموود هاته ساخكرن
ئه‌ڤرۆ،
دوهی ل هۆلا گۆنفرانسان یا زانكۆیا نه‌وروز و ب ئاماده‌بوونا به‌رپرسێن حكومی و حزبی و وه‌رزشڤانێن ده‌ڤه‌رێ ئاهنگا ماته‌مینی یا چل رۆژیا وه‌غه‌را وه‌رزشڤانێ دێرین و ئه‌فسانێ یاریا ته‌پا پێی ل پارێزگه‌هێ كاپتن نعمه‌ت محموود هاته ساخكرن.
د ڕێ و ره‌سمان دا هه‌ر ئێك ژ فه‌هیم عه‌بدوللا سه‌رۆكێ ئه‌نجوومه‌نێ پارێزگه‌ها دهۆك، ئه‌حمه‌د قاسم سه‌رۆكێ نوونه‌راتیا دهۆك یا لژنا ئۆلۆمپیا كوردستانێ و عه‌بدوللا جه‌لال سه‌رۆكێ یانا دهۆك یا وه‌رزشی ئه‌وێن تیژیك ل سه‌ر مێژوویا زێرین و رحسڤكیی و كه‌سایه‌تیا وی یا مه‌زن دایی و دیاركرین كو ئه‌و ئێكه‌م كه‌سێ خه‌مخوور و پێشكه‌فتن و دانانا یاریا ته‌پا پێی ل پارێزگه‌هێ بوویه، زێده‌بار خه‌باتا وی یا پێشمه‌رگایه‌تی د شوره‌شا ئه‌یلۆنێ دا و به‌رگرییا ئاخا كوردستانێ كری و هه‌موویان دۆپاتی لسه‌ر وێ یه‌كێ كر كو جادا وه‌رزشی گه‌وهه‌ره‌كێ مه‌زن ژ ده‌ست دا كو مێژوو و ستوینا ته‌پاپێی یا پارێزگه‌هێ بوو.
هه‌ر دڤان رێ و ره‌سمان دا 40 شه‌مالك ژلایێ كه‌سوكار و هه‌ڤالێن وی ڤه هاته هه‌لكرن و دیسان فلمه‌كێ دیكیۆمه‌نتی هاته پێشكێشكرن لدۆر ژیانا ره‌حمه‌تی تێدا چه‌ند بیرهاتن و گۆتنێن جودا ژلایێ هه‌ڤالێن وی هاتنه نیشاندان.
