سێ گۆشا هێزا پاریسێ دێ هێته ژ ده‌ست دان
ئه‌ڤرۆ،
پشتی خوساره‌تیا مه‌زن یا یانا پاریس سانجێرمان یا فره‌نسی ل گه‌ل یانا ریال مه‌درید یا ئسپانی ب سێ گۆلان بێ به‌رامبه‌ر ژ چارچووڤێ قۆناغا 16ێ یا قاره‌مانیا یانێن ئۆرۆپا قاره‌مانێن خولا چامپیۆنز لیگ و ده‌ربازبوونا تیما ئسپانی بۆ قۆناغا هه‌شتێ و سه‌رجه‌مێ هه‌ردو یاریا سێ گۆلان به‌رامبه‌ر گۆله‌كێ، ده‌نگۆباسێن به‌رده‌وام ل باژێرێ پاریسێ دهێنه بلاڤكرن كو یانا فره‌نسی دێ گوهۆڕینێن مه‌زن كه‌ت و چه‌ند ستێرێن خوه ژ ده‌ست ده‌ت.
لدووڤ راپۆرتا رۆژناما لیكیب یا فره‌نسی كو سه‌رۆكێ یانا پاریس سانجێرمان یێ قه‌ته‌ری ناسر ئه‌لخلیفی دووماهیا ڤێ هه‌یڤێ ل گه‌ل كادرێ راهێنانێ كۆمبیت بۆ دوورخستن و ژ ده‌ست دانا هنده‌ك یاریزانێن مه‌زن ژوانا یێ به‌رازیلی نه‌یمار دا سیلڤا و یێ ئه‌رجه‌نتینی ئانخێل دی ماریا، لێ ژبه‌ركو چوونا كلیا مباپی بۆ ریال مه‌درید ئێكلا بوویه بتنێ راگه‌هاندنا فه‌رمی مایه، ستێرا وێ یێ ئه‌رجه‌نتینی لیونێل مێسی ژی كه‌فتیه لبن گه‌ڤێن چوونێ پشتی دیاركر كو هه‌رده‌م هزر ل یانا به‌رشه‌لۆنا دكه‌ت، ژلایه‌كێ دووڤه چاره‌نڤیسێ یاریزان سێرجیۆ رامۆس دیارنینه و دبیت د كۆمبوونا واندا ب دووماهی بهێت.
