سه‌قا: سوبه‌هى نه‌يا ده‌ركه‌فتنايه
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمان دێ ب ته‌مامى ئه‌ور بيت و باران دێ باريت و هنده‌ك جاران دێ گه‌له‌ك بۆش بيت و ل هنده‌ك ده‌ڤه‌ران ژى دێ به‌فر باريت.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ فشارێن نزمێن ده‌ريا ناڤه‌راست بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رێكه‌فتى 2015.2.20 ئه‌سمان دێ ب ته‌مامى ئه‌ور بيت و باران دێ باريت و هنده‌ك جاران دێ گه‌له‌ك بۆش بيت و ل هنده‌ك ده‌ڤه‌ران ژى دێ به‌فر باريت.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ دێ يا نزم بيت هه‌ڤبه‌ركى ل گه‌ل رۆژێن به‌رى نوكه ب ره‌نگه‌كى د ناڤبه‌را 13 بۆ 5 دا.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى باكوورێ رۆژئاڤا بيت ب ره‌نگه‌كى دێ يێ ل سه‌رخوه و ناڤه‌ندى بيت د ناڤبه‌را 5 بۆ 20 كلم د ده‌مژمێره‌كێ دا و ماوێ ديتنێ ژى دێ د ناڤبه‌را 10 كلم دا بيت.
