زلهێزا ئیتالیا هه‌مبه‌ری ئاسته‌نگا ئسپانیا بۆ پلێتا ده‌ربازبوونێ
ئه‌ڤرۆ،
چاڤه‌ڕێ یه ئه‌ڤرۆ هژمارا یانێن ده‌ربازبووی بۆ قۆناغا هه‌شتێ یا قاره‌مانیا یانێن ئۆرۆپا قاره‌مانێن خولا چامپیۆنز لیگ ب دووماهی بهێت و چار یانه دێ هه‌ڤڕكیێ بۆ دو پلێێن مایی ژ چارچووڤێ هه‌ڤڕكیێن كه‌ڕا 16ێ یا قاره‌مانیێ كه‌ن ئه‌وا دێ ل ده‌ژمێر 11ێ شه‌ڤ بڤی ره‌نگی هێنه ئه‌نجامدان .
یۆڤانتۆس- ڤیاریال
ئێك ژ یاریێن بهێز و دیدارا ئاگرین بۆ پلێتا ده‌ربازبوونێ ده‌مێ یانا یۆڤانتۆس یا ئیتالی ل یاریگه‌ها خوه ئه‌لیانز ستادیۆم مێڤانداریا هه‌ڤڕكا خوه ڤیاریال یا ئسپانی ژ گه‌ڕا هاتنێ دكه‌ت، هه‌ردو یانه دێ بزاڤێ بۆ سه‌ركه‌فتنێ كه‌ن ژبۆ مسۆگه‌ركرنا قۆناغا هه‌شتێ ژبه‌ركو ده‌لیڤه بۆ وان به‌رده‌سته و هیڤیێن پلێتا ده‌ربازبوونێ د ناڤبه‌را هه‌ردو تیمان دایه تایبه‌ت پشتی د یاریا بۆری یا چوونێ دا ل ئسپانیا هه‌ردو تیم ب گۆله‌كێ وه‌كهه‌ڤبووین، یۆڤانتۆس دێ هێته دناڤ یاریێ دا و چاڤ ل سه‌ركه‌فتنێ بیت و خوه ژ ئاسته‌نگا ڤیاریالێ ده‌رباز بكه‌ت لێ یانا ئسپانی ژوان هه‌ڤڕكێن بزه‌حمه‌ته تایبه‌ت ده‌مێ هه‌مبه‌ری یانێن مه‌زن یاریێ دكه‌ت و ب سانه‌هی ژی تووشی خوساره‌تیێ نابیت لێ باش دزانیت نه‌بتنێ هه‌مبه‌ری تیما یۆڤانتوس بیت به‌لكۆ جه‌ماوه‌ر و یاریگه‌ها وێ ئه‌ڤچه‌نده ژی دێ كاروانێ ده‌ربازبوونێ بزه‌حمه‌ت كه‌ت سه‌رباری شاره‌زاهیه‌كا باش د قاره‌مانیێن ئۆرۆپی دا هه‌یه ب سه‌ركێشا راهێنه‌رێ خوه ئۆنایی ئیمری ئه‌وا ل وه‌رزێ بوری شیاین ناسناڤێ یۆرۆ لیگ بده‌ستخوه‌ڤه بینن ودێ بزاڤێ كه‌ن بۆ ڤێ یاریێ بگه‌هنه قۆناغێن دووماهیێ و خه‌ونێن ده‌ستڤه‌ئینانا ناسناڤه‌كێ چامپیۆنزێ، لێ یۆڤانتۆس هه‌ڤڕكه‌كا ب سانه‌هی نابیت و سه‌نگا مێڤانا خوه باش دزانیت و ئه‌وێ ژی هیڤی و خه‌ونێن مه‌زن هه‌نه كو دووباره‌ڤه‌گه‌رێته ناسناڤێن خوه پشتی دو جاران بوویه قاره‌مان ل سالا 1984 و1996ێ، هه‌رچه‌نده لیۆنارۆ بۆنۆچی هنگاڤتیه لێ ڤه‌گه‌ڕیانا ستێرێن وێ ئه‌لفارۆ مۆراتا ومانوێل كێلینی ل گه‌ل به‌رهه‌ڤبوون پاۆلۆ دیبالا، فلاهۆڤیچ، دی لیخت، بیلیگرینی، دانیلۆ ماكین و كوادرادۆ كو دهێته پێشبینیكری پێكهاتیێ سه‌ره‌كی یێ یاریا ئه‌ڤ شه‌ڤه‌بن.
چێلسی- لیل
قاره‌مانا وه‌رزێ بوری یا چامپیۆنزێ یانا چێلسی یا ئنگلێزی ل یاریگه‌ها پیار مۆرۆا بیته مێڤانا لیل یا فره‌نسی ژبۆ ده‌ستڤه‌ئینانا پلێتا دووماهیێ بۆ قۆناغا هه‌شتێ و ئارمانجێن پاراستنا ناسناڤێ خوه، دیاریا چوونێ دا ئه‌وا ل یاریگه‌ها ستامفۆرد برێدچ ل ئنگلێزێ هاتبوو كرن چێلسی شیابوو ب دو گۆلان سه‌ركه‌فتنێ تۆماربكه‌ت و دێ بزاڤێ كه‌ت ئه‌ڤ شه‌ڤه ژی به‌رده‌وامیێ بده‌ته سه‌ركه‌فتنێن خوه، هه‌رچه‌نده ئێكه‌تیا ته‌پاپێی یا ئۆرۆپا سزایێن دارایی لسه‌ر خودانێ یانا چێلسی رۆمان ئیبرامۆڤیچ ژبه‌ر شه‌ڕێ رۆسیا ل سه‌ر ئۆكراینێ لێ بۆ ڤێ یاریێ ڕێك هاته دان گه‌شتێ بۆ فره‌نسا بكه‌ن، راهێنه‌رێ یانا ئنگلێزی تۆخێل دیاركر هه‌كه ئێكه‌تیا ئۆرۆپا ڕێك نه‌دابا ئه‌و به‌رهه‌ڤن ب هه‌ر شێوه‌كێ ڤه‌گۆهاستنێ خوه هه‌كه ب ترۆمبێلێن خوه یێن كه‌سایه‌تی چنه فره‌نسا و رژدن سه‌ركه‌فتنێ ژی ده‌ستڤه بینن، ئه‌ركێ یانا لیل سانه‌هی نینه و ده‌لیڤا ده‌ربازبوونێ بزه‌حمه‌ته و هیڤیێن لاواز هه‌نه هه‌مبه‌ری یانه‌كا ب ئارمانج و دروشمێ مه‌زن ئه‌وژی بگه‌هیته قۆناغێن دووماهیێ، خودانێن ئه‌ردی بتنێ دێ پشتبه‌ستن لسه‌ر ئه‌رد و جه‌ماوه‌رێ خوه دا و هیڤیێن راهێنه‌رێ وان جۆسلین جۆرفینیك دێ لسه‌ر شیانێن یاریزان جۆناسان دیڤێد، بۆراك یه‌لماز، جۆمێز، سانچێزی، ژلایێ خوه‌ڤه پێكهاتیێ چێلسی یێ پێشبینیكری دێ كۆلپارێزێ خودان شیان میندی و یاریزانان رۆمێلۆ لۆكاكۆ، تیمۆ ویرنه‌ر، كۆڤاسێچ، كای هاڤرتز، ماسۆن ماونت، حه‌كیم زیاش، تیاگۆ سێلڤا،ئه‌ندریاس كرێستنس، مالانگ سار، رۆدرێگر.
بۆ زانین پشتی ب دووماهی هاتنا یاریێن ئه‌ڤرۆ دێ ل ئه‌ینیا بهێت پشككێشانا قۆناغا هه‌شتێ بۆ شێوازێ هاتن و چوونێ هێته كرن كو بڕیاره یاریێن ڤێ قۆناغێ بۆ گه‌ڕا چوونێ ل 5و6 هه‌یڤا بهێت و یاریێن هاتنێ ل 12 و13ێ هێنه ئه‌نجامدان.
