هازاردی نمرا پیڤایی یا هنگاڤتنان تۆماركر
ئه‌ڤرۆ،
ستێرا ته‌پا پێی یێ به‌لجیكا و یانا ریال مه‌درید یا ئسپانی ئیدین هازارد بوو خودانێ مه‌زنترین رێژا هنگاڤتنان دناڤ رێزێن تیما خوه دا و نمرا پیڤایی تۆماركر.
لدووڤ راپۆرتا رۆژناما مۆندۆ دیبۆرتیڤۆ یا ئسپانی كو 16 جاران ستێرا ریال مه‌درید ئێدین هازارد تووشی هنگاڤتنێ بوویه د ماوێ سێ وه‌رزێن بوری كو هه‌ر ژ هاڤینا 2019 ده‌مێ هاتیه دناڤ رێزێن یانا ئسپانی دا دهێته هژمارتن نمرا پیڤایی بۆ یاریزانه‌كێ ناڤ و ده‌نگ لسه‌ر ئاستێ جیهانێ پشتی ل ئه‌ینیا بوری هاتیه راگه‌هاندن هازارد دێ بۆ ماوێ پێنچ حه‌فتیا دووركه‌ڤیت ژبه‌ر ئه‌نجامدانا نیشته‌گه‌ریه‌كێ بۆ پێ خوه یێ راستێ كو ئه‌ڤ نشته‌گه‌ریه دێ بیته جارا سێیێ دهێته ئه‌نجامدان پشتی سالێن 2017ێ و ئادارا 2020ێ.
رۆژناما ناڤهاتی دیاركر كو گرێبه‌ستا ستێرا به‌لجیكا ل گه‌ل ریال مه‌درید ئه‌وا ب 130 ملیۆن یۆرۆیان دهێته هژمارتن بێ مفا بوو ئه‌وێ بۆ ماوێ سێ وه‌رزان د هه‌موو قاره‌مانیان دا بتنێ 53 یاری ئه‌نجامداین و هه‌شت گۆل تۆماركرین به‌روڤاژی یانا چێلسی د ماوێ هه‌شت سالان دا 245 یاری ئه‌نجامدابوون و 110 گۆل تۆماركربوون.
