مه‌زنترین پرۆژێ وه‌به‌رهێنانا وه‌رزشی ل دهۆكێ هاته دانان
ئه‌ڤرۆ،
ئه‌ڤرۆ، نه‌وزاد هلۆری:
د داخویانیه‌كێدا مه‌تین عه‌لی رێڤه‌به‌رێ په‌یمانگه‌ها په‌روه‌ردا وه‌رزشی یا ڤیا ل دهۆكێ بۆ ئه‌ڤرۆ گۆت: ب مه‌ره‌ما بهێزكرنا ژێرخانا وه‌رزشی و خزمه‌تكرنا وه‌رزشا پارێزگه‌ها دهۆكێ و كوردستانێ بۆ جارا ئێكێ یه مه‌زنترین پرۆژێن وه‌به‌رهێنانێ یێ وه‌رزشی ل سنورێ پارێزگه‌ها دهۆكێ هاتیه چێكرن و كه‌فته د خزمه‌تا گه‌نج و خه‌لكێ ده‌ڤه‌رێ دا.
زێده‌تر ناڤهاتی گۆت: پرۆژه سه‌ر رووبه‌رێ هزار و 810م دوجاركی هاتیه چێكرن پێكدهێت ژ دو یاریگه‌هێن ڤه‌كری و هوله‌كا گرتی بۆ یاریێن تاك و كوم دیسان هوله‌كا سمینارا و تاقیگه‌هه‌كا كومپیوته‌ری و كافیتریا و هۆل و باخچه‌یێن بێهنڤه‌دانێ بۆ قوتابیان، تێچۆیێ پرۆژه‌ی نێزیكێ سێ ملیار و435 ملیون دیناران هاتینه ته‌رخانكرن، دیسان دناڤ پرۆژه‌ی دا چه‌ندین یاریگه‌ه هاتینه چێكرن ژ وانا یاریگه‌هێن باسكێت بولێ، ڤۆلیبۆلێ، گوره‌پانێ، یاریگه‌ها تێنسا ئه‌ردی، هولێن جمناستیكێ، یاریا شه‌تره‌نجێ و هولا فوتسالێ بۆ ته‌پا پێی یا بچوك كری.
مه‌تین عه‌لی دیاركر د نوكه دا پرۆژه كه‌فتیه د خزمه‌تا قوتابی و خه‌لكێ كوردستانێ دا و گۆت ژی: پرۆژه ب شێوه‌یه‌كێ فه‌رمی چه‌ند رۆژێن بهێت ب ئاماده‌بوونا وه‌زیرێ په‌روه‌ردێ یا حوكمه‌تا هه‌رێما كوردستانێ و پارێزگارێ دهۆكێ دێ هێته ڤه‌كرن، قوتابی ب رێیا خواندن بۆ ده‌ما پێنج سالان دێ باوه‌رناما دبلومێ ب وان هێته‌دان.
