ئیڤان به‌ر ب دیفاع جه‌ویه چوو
ئه‌ڤرۆ، زنار زوبێر:
گۆلپارێزا تیما فۆتسالا ئافره‌تێن دهۆك ئیڤان فه‌رهاد ب شێوێ خواستن به‌ر ب یانا دیفاع جه‌وی یا به‌غدایی ڤه چوو بۆ پشكداریكرن د قاره‌مانیا كاسا ئیراقێ دا ئه‌وا بڕیاره ئه‌ڤرۆ ل باژێرێ حلله هه‌ڤركیێن وێ ده‌سپێبكه‌ن.
زێده‌تر د دیداره‌كێ دا ئیڤان فه‌رهاد بۆ رۆژناما ئه‌ڤرۆ گۆت: كارگێریا یانا دیفاع جه‌ویه به‌ری ماوه‌یه‌كی په‌یوه‌ندی ب من كری پێخه‌مه‌ت ل گه‌ل تیما فوتسالا وێ یانێ یاریێ بكه‌م د قاره‌مانیا كاسا عیراقێ دا و پشتی من رازه‌مه‌ندی ژ كارگێریا یانا ئافره‌تێن دهۆكێ وه‌رگرتی ب شێوێ خواستن به‌ر ب یانا دیفاع جه‌وی یا به‌غدا چووم.
ئیڤان فه‌رهاد ئه‌و چه‌نده ژی گۆت: ماوێ مانا من دگه‌ل یانا دیفاع جه‌وی تنێ دێ حه‌فتیه‌ك بیت هه‌تا هه‌ڤركیێن كاسا عیراقێ ب دووماهی دهێن ل باژێرێ حلله كو ب شێوازێ كوم ئه‌ڤ قاره‌مانیه ب پشكداریا هه‌شت یانا دێ هێته كرن و ئه‌ڤرۆ رۆژا دوشه‌مبی دێ ده‌سپێكه‌ت.
هه‌ژی گۆتنێ یه ئیڤان فه‌رهاد كچا دهۆكێ یه و گۆلپارێزه‌كا خودان شیان یا یانا ئافره‌تێن دهۆكێ یه.
