سوید ب مه‌رج دێ هاریكاریا ئه‌فغانستانێ كه‌ت
ئه‌ڤرۆ:
وه‌زاره‌تا ده‌رڤه یا سویدێ راگه‌هاند كو هه‌كه حوكمه‌تا تالیبانێ ل ئه‌فغانستانێ مه‌رجێن وان قه‌بوول بكه‌ت ئه‌و ژی به‌رهه‌ڤن د بیاڤێ مرۆڤی دا هاریكاریێن ئه‌فغانستانێ بكه‌ن لێ تشتێ هه‌تا نها تالیبانێ كری ژ ئالیێ سویدێ ڤه ب چو ره‌نگه‌كێ ناهێنه قه‌بوولكرن، ب تایبه‌تی ژی داخستنا قۆتابخانێن كچان ل ئه‌فغانستانێ ژ ئالیێ تالیبانێ ڤه ب چو ره‌نگه‌كێ ناهێته قه‌بوولكرن و دڤێت تالیبان ده‌ست ب گوهۆڕینان بكه‌ت، چونكو تشتێ نها تالیبان ل ئه‌فغانستانێ دكه‌ت ب هه‌موو ره‌نگه‌كێ بنپێكرنا مافێن مرۆڤی نه.
وه‌زاره‌تا ده‌رڤه یا سویدێ ئه‌و یه‌ك ژی دیار كریه كو هه‌كه رێكخستنا تالیبانێ بڤێت ب زۆرێ داخوازیێن خوه ل سه‌ر خه‌لكی فه‌رز بكه‌ت ئه‌و یه‌ك دێ بیته ئه‌گه‌رێ روودانا گه‌له‌ك كاره‌ساتێن مه‌زن، چونكو نها ره‌وشا ئابووری یا ئه‌فغانستانێ گه‌له‌ك خرابه و مخابن ژ به‌ر هه‌لوه‌ستێ خراب یێ تالیبانێ ژی وه‌لاتێن جیهانێ به‌رهه‌ڤ نینن هاریكاریا وی وه‌لاتی بكه‌ن.
