ئایفۆن: خۆ ژ فه‌یسبۆك و ئینستگرام و واتسئاپی دوور كه‌ن
ئه‌ڤرۆ:
هه‌رده‌ما دچیه سه‌ر جهێ دانلۆدكرنا ئه‌پلیكه‌یشنا ل سه‌ر تله‌فونا خوه یا ئایفون دێ لیسته‌ك هێته پێشیا ته كو پێدڤیه ته ئه‌ڤ ئه‌پلیكه‌یشنه د ناڤ ئایفونا خوه دا هه‌بن، لیسته‌كا هه‌مه‌ره‌نگه هه‌تا راده‌كی هه‌ر وه‌كو تشته‌كێ بنه‌ره‌ت د تله‌فۆنێ دا، سه‌ره‌رایی وێ چه‌ندێ كو دبیت گه‌له‌ك ژ وان نه دگرنگ بن و دبێ مفا ژی بن.
ئه‌ڤه ئه‌و ئه‌پلیكه‌یشنن یێن ئایفونێ دانایین كو پێدڤیه د مۆبایلێن هه‌لگرێن ئایفونێ دا هه‌بن، هه‌ر چه‌نده مه‌رج ژی نینه هه‌ر كه‌سه‌ك ئه‌ڤان ئه‌پان هه‌موویان بكه‌ته د موبایلا خوه دا كو ئه‌ڤێن ل خوارنێ نه:
Snapchat – Discord – Cash App – TikTok – YouTube – Gmail – Amazon – Bumble – Reddit – Hulu – Disney+ – Venmo – Tinder – Shein – Pandora – Starbucks – SoundCloud – Widgetsmith Walmart – Picsart – Amazon Prime Video – HBO Max – YouTube Music – Duolingo – Twitch – LinkedIn – ESPN – Hinge – Calm – Paramount+
– Crunchyroll – DAZN
د ده‌مه‌كی دا كو چه‌ندین ئه‌پێن ژڤانان د ناڤ دانه وه‌كو Tinder و Bumble وHinge ، به‌لێ یا سه‌یر ئه‌وه چ تۆڕێن سه‌ر ب كۆمپانیا Meta ڤه د ناڤ دا نینه. ئه‌ڤه ژی هندێ دگه‌هینیت كو كۆمپانیا ئه‌پل ناخۆازیت بكارئینه‌رێ وێ چ ژ ئه‌پێن وێ كۆمپانیێ یێن وه‌كو Facebook – Instagram – WhatsApp بكاربینن و چو پێ نه‌ڤێت تشته‌ك ژی یێ ل پشت ڤی بابه‌تی هه‌یی، ژ به‌ر كو نها ئه‌ڤ تۆڕه ل رێزبه‌ندا باشترین تۆڕێن جڤاكی نه ل جیهانێ.
ب دیتنا شاره‌زایان كۆمپانیا ئه‌پل ب چاڤه‌كێ باش ته‌ماشه‌ی فه‌یسبۆكی ناكه‌ت ب تایبه‌ت پشتی داتایێن ب ملیۆنان ژ بكارئینه‌رێن وێ د هه‌تكبه‌ریا
Cambridge Analytical دا هاتینه به‌لاڤكرن. ژ وی ده‌می وه‌ره كارتێكرن ل سه‌ر به‌فیسبۆكی بوویه.
ژبلی ڤێ چه‌ندێ ژی كۆمپانیا ئه‌پل گه‌له‌ك گرنگیێ دده‌ته تایبه‌تمه‌ندیێ كو ئێك ژ باشترین ساخله‌تێن وێ یه د ڤان چه‌ند سالێن دووماهیێ دا، ژ به‌ر هندێ ژی نه‌یا به‌ر مێشكه هه‌ڤپه‌یمانیێ ل گه‌ل كۆمپانیه‌كا ژ ڤی ره‌نگی بكه‌ت یان ژی پشته‌ڤانیا بكارئینه‌رێن خوه بكه‌ت تۆڕێن ژ ڤی ره‌نگی بكاربینن.