زانا فه‌ریق ناسناڤێ قاره‌مانیا پرۆ كوالیفێری ب ده‌ستڤه ئینا
هه‌ولێر، سولین سلێمان
یاریزانێ له‌ش جوانیێ و راهێنه‌رێ خودان شیان زانا فه‌ریق شیا ناسناڤێ قاره‌مانیا پرۆ كوالیفێری یا نێڤده‌وله‌تی nbc ب ده‌ستڤه بینت پشتی ل رێزا ئێكێ هاتی ل سه‌ر كێشا خوه، د هه‌ڤڕكیێن واندا ئه‌وا ل 26 ئادارا بوری وه‌لاتێ تونسی ب پشكداریا هژماره‌كا مه‌زن یا یاریزانێن گه‌له‌ك وه‌لاتێن جیهانی مێڤانداریا وێ كری.
قاره‌مانێ ناڤهاتی د داخویانیه‌كێدا بۆ رۆژناما ئه‌ڤرۆ دیاركر ئه‌و كه‌یفخووشه شیایی رێزا ئێكێ بهێت سه‌ر ئاستێ كێشا خوه یا 80كگم بهێم وه‌كو كورده‌ك ب شێوێ تاك نوونه‌راتیا كوردستانێ ب سه‌ركه‌فتیانه بكه‌م، سۆپاسیا راهێنه‌رێ خوه و رێنیشانده‌رێ خوه سه‌ردار ئیسماعیل دكه‌م كو ئێك ژ پشته‌ڤانێن من بوویه، من پشكداری ل گه‌له‌ك قاره‌مانیێن نێڤده‌وله‌تی كریه و شیایمه چه‌ندین ناسناڤان و رێزێن پێشیێ ب ده‌ستڤه بینم و ئه‌ڤه ژی دبیته جارا دویێ پشكداری قاره‌مانیێن نێڤده‌له‌تی كریه ژوانا ل سالا 2018ێ ل وه‌لاتێ ئسپانیا پشكداری كریه و رێزا سێیێ ب ده‌ستخوه‌ڤه ئینایه.
