رۆزا راهێنه‌ر و یاریزانا یاریا كاراتێ یه
هه‌ولێر، سولین سلێمان
د دیداره‌كێ دا كچا هه‌ولێرا پایته‌خت و یاریزانا هه‌لبژارتیا ئیراقێ بۆ یاریا كاراتێ دیاركر ئه‌و ژبلی راهێنه‌را یانا بازیان هه‌مان ده‌مدا بۆ پشكداریا قاره‌مانیان ژی وه‌كو یاریزان هه‌ڤڕكیێ لسه‌ر ده‌ستڤه ئینانا ناسناڤا دكه‌ت.
زێده‌تر رۆزا یونس بۆ رۆژناما ئه‌ڤرۆ گۆت: وه‌كو یاریزانا كاراتێ بۆ ماوێ هه‌شت ساله یاریێ دكه‌ت و د نوكه دا ژبه‌ر ئاست و ئه‌جامێن ده‌ستخوه‌ڤه ئیناین ل گه‌ل هه‌لبژارتیێ ئیراقێ یه ئه‌ڤچه‌نده ژی پشتی چه‌ندین پشكداریێن من بۆ ماوێ پێنچ سالان وه‌كو یاریزانا ئێكێ ل سه‌ر ئاستێ ئیراقێ، دیسان میدالیا برۆنزی ل سه‌ر ئاستێ وه‌لاتێن عه‌ره‌بی و دووڤدا رێزا دویێ سه‌ر ئاستێ قاره‌مانیا رۆژئاڤا ئاسیا ژی و هه‌روه‌سان پشكداری قاره‌مانیا نێڤده‌وله‌تی كربوو ل وه‌لاتێ توركیا و ئیرانێ و ئه‌نجامێن باش ده‌ستخوه ئیناینه، له‌ورا چوونا من بۆ ناڤ رێزێن هه‌لبژارتیێ ئیراقێ ب ماندیبوونه‌كا زێده و ده‌ستكه‌فتێن مه‌زن بووینه.
ژلایه‌كێ دووڤه ناڤهاتی ئه‌وچه‌نده ژی دیاركر لڤێ داویێ ئاسته‌نگێن كه‌فتینه دڕێكا وان دا نه‌بوونا قاره‌مانیان كو ئه‌ڤچه‌نده بوویه ئه‌گه‌ر ئاسته‌نگ بۆ پێشڤه‌چوونا ئاستێ مه كریه و گۆت: سه‌ره‌رایی یاریزانا هه‌لبژارتیێ ئیراقێ و یانا بازیان ملێ وه‌كو راهێنه‌ری ژی كۆمه‌كا یاریزانان بڕێڤه‌به دبه‌م پێخه‌مه‌ت بلندكرنا ئاستێ ڤێ یاریێ و گۆت: سۆپاسیا خێزانا خوه دكه‌م كو هه‌رده‌م پشته‌ڤان بووینه و گه‌هشتیمه ڤی ئاستی و من هیڤی و ئارمانجێن مه‌زنتر هه‌نه.
