رۆنالدۆ: ببورن ئه‌و نه ره‌وشتێ منه
ئه‌ڤرۆ،
ستێرا ته‌پا پێی یا پۆرتۆگالی و یاریزانێ یانا مانچسته‌ر یۆنایتد یا ئنگلێزی كریستیانۆ رونالدۆ لێبورین ژ پشته‌ڤانێ یانا ئێڤرتۆن خواست پشتی ژ نشكه‌كێ ڤه ئامیرێ تله‌فۆنا وی شكاندی د ده‌مێ ده‌ركه‌تنا وی ژ یاریگه‌هێ.
رونالدویی د لاپه‌رێ خوه یێ فه‌رمی ل ئنستێگرامێ دا نامه‌كا لێبورنی بۆ پشته‌ڤانێ ئێڤرتۆن هنارت و دیاركر ئه‌و نه ره‌وشتێ وی یه و گۆت: نه یا سانه‌هی یه سه‌ره‌رده‌یی ل گه‌ل هه‌ستێ خوه بكه‌یی كو تۆ یێ خوساره‌ت و گڤاشتنێن مه‌زن ل سه‌ر ته هه‌بن تایبه‌ت یانا مانچسته‌ر یۆنایتد ئه‌وا شه‌ڕی دكه‌ت بۆ وه‌رگرتنا پلێتا چامپیۆنزێ، لێ دڤێت ئه‌م بهێنفره‌ه بین و رێزێ ل به‌رامبه‌ری خوه بگرین، من دڤێت داخازا لێبورینێ ژ ئه‌وی پشته‌ڤانی بكه‌م و ئه‌ڤه نه ره‌وشتێ منه و داخازنامه‌كێ بۆ فرێدكه‌م كو بهێته یاریگه‌ها ئۆلدترافۆرد وه‌كو دیاركرنا گیانێ وه‌رزشی و دێ دیاریه‌كێ ژی پێشكێشكه‌م ژبه‌ركو وه‌رزش ڤیانه و رێزگرتنه.
بۆ زانین مانچسته‌ر یۆنایتد ل گه‌ل خودانێن ئه‌ردی ئێڤرتۆن تووشی خوساره‌تیێ بوو ب گۆله‌كێ ژ چارچووڤێ هه‌ڤڕكیێن گه‌ڕا 32ێ ژ خولا ئنگلیزێ و پاشڤه‌چوو رێزا حه‌فتێ ب51 خالان و هیڤیێن ده‌ربازبوونێ بۆ چامپیونز لیگا لاواز بووینه.
