شاراپۆڤا چاڤینكرن.!
محسن عه‌بدولره‌حمان
ماریا شاراپۆڤا ئه‌و كچا قاره‌مانا یاریا تێنسا ئه‌ردی یا جیهانی جوانیه‌كا بالكێش و به‌ژنه‌كا زراڤ و شه‌نگ، زه‌نگینی و ناڤداریه‌ك قۆلاچێن جیهانێ ڤه‌گرتی، ئه‌ڤێ زه‌ریێ رۆژه‌كێ گازنده ژ تۆشبوونا خوه ب چاڤیبوون و سیهره‌كێ نه‌كریه، یان ئه‌جنه‌كێ لێ ئه‌ڤینداربووی نه هنگاڤتیه، سه‌رباری كو چاڤێن جیهانێ هه‌موویان ل سه‌ر زالن، ئه‌وێ رۆژه‌كێ ژی ئێره‌یی یا ژنان نه‌كریه.
ل ده‌مه‌كی ژنێن به‌لنگازێن نه جوان و نه سامان و نه كار و پێشه و تا نه هه‌ستیسڤكی هه‌یی، ده‌مێ خوه ل جه‌م جه‌مبازان د بورین ندا پێڤه بخوینن و ژ چاڤێن حه‌سویدان بپارێزن، لێ بۆچی و ژ چو تشتی پارێزن! ژ وی ئه‌جنه‌یێ لێ بوویه ئه‌ڤیندار و هه‌ر جهێ بچیتێ خوه ل به‌ر ڤه‌نویساندی، له‌ورا قازانجێن جه‌مباز و فالڤه‌كه‌ر (ده‌جال و مشعوز) ژ بێ ئاعقلیا خه‌لكی بده‌ستڤه دئینن نۆشیجانبیت.
ئامار دیاردكه‌ن كو بتنێ خه‌لێ مسرێ ب هه‌موو ته‌خ و چینێن خوه‌ڤه ل سالا 2004ێ نێزیكی 10 ملیار جونه‌یی ل جه‌مباز و ڤالفه‌كه‌ران خه‌رجكرینه، ئانكو هه‌ر 240 كه‌سان ل مسرێ جه‌مبازه‌كێ ڤالفه‌كه‌ر هه‌یه و فلمێ (البیچه و الحجر) ده‌ربرینه ژ وێ پاشڤه مانا بوویه دیارده.
