دلشاد ئه‌حمه‌د به‌رهه‌ڤیان بۆ قاره‌مانیا نێڤده‌وله‌تی دكه‌ت
ئه‌ڤرۆ، هه‌ولێر، سولین سلێمان
د دیداره‌كێ دا یاریزانێ یانا سۆارچاكیا نێڤده‌وله‌تی یا هه‌ولێرێ بۆ رۆژناما ئه‌ڤرۆ دیاركر د نوكه دا ئه‌و پشكداری قاره‌مانیه‌كا تایبه‌ت بوویه كو سالانه بۆ ماوێ 12 هه‌یڤا ژلایێ یانا وی ڤه دهێته ئه‌نجامدان ژبۆ ده‌ستنیشانكرنا باشترین یاریزانان پێخه‌مه‌ت پشكداری قاره‌مانیێن نێڤده‌وله‌تی بن.
زێده‌تر دلشاد ئه‌حمه‌د دیاركر وه‌كو یاریزانه‌كێ یاریا سۆارچاكیێ شیایمه بۆ 30 جاران پشكداری قاره‌مانیان بیت و 17 جاران رێزا ئێكێ و دویێ و سێیێ بده‌ستڤه ئینایه و پشكداری قاره‌مانیا نێڤده‌وله‌تی ل وه‌لاتێ مسری كریه وه‌كو كورده‌كێ ئێكانه هه‌ڤڕكیێ بۆ ناسناڤی بوو ژ سه‌رجه‌مێ 70 یاریزانان شیایی رێزا دویێ ده‌ستڤه بینت و گۆت: وه‌رزشا سۆارچاكیێ تایبه‌تمه‌ندیا خوه هه‌یه و دهێته هژمارتن یاریا شاهان و ژ زارووكینیا خوه حه‌ز ڤێ یاریێ كریه و حه‌فتیێ پێنچ رۆژان ژ دهۆكێ به‌ره ب هه‌ولێر دچم پێخه‌مه‌ت ئه‌نجامدانا راهێنانێن خوه.
ژلایه‌كێ دووڤه ناڤهاتی دیاركر ئه‌وی پرۆژه‌یێن باش هه‌نه ژبۆ به‌لاڤكرنا ڤێ یاریێ ل پارێزگه‌ها دهۆكێ و دێ هه‌موو بزاڤا كه‌ت ڤێ یاریێ پێشبێخیت و گۆت: ئه‌ڤ وه‌رزشه مفایێن خوه یێن باش هه‌نه بۆ ته‌ندروستیا مروڤی و مێشكه‌كێ مه‌زن بۆ مروڤی دروستكه‌ت وه‌كو هه‌ڤاله‌كی ژی بۆ مروڤی لێدهێت، لڤێره ئه‌ز سۆپاسیا بابێ خوه دكه‌م كو هه‌رده‌م هاریكاره و پشته‌ڤانێ من بوویه و دیسان كاپتنێ من یێ ڤێ یاریێ به‌رده‌وام خوه زه‌حمه‌ت ده‌ت بۆ باشتكرنا ئاست و شیانێن من.
