یانا باتیفا داخوازیه‌ك ژ ئیدارا سه‌ربه‌خۆیا زاخۆ هه‌یه
ئه‌ڤرۆ، عه‌لی حاجی:
سه‌رۆكێ یانا باتیفا یا وه‌رزشی بۆ رۆژناما ئه‌ڤرۆ دیاركر ئه‌و پێدڤی ب پشته‌ڤانیا ماددی هه‌نه و چاڤه‌ڕێ سۆزا ئیدارا سه‌ربه‌رخۆیا زاخۆنه له‌ورا داخوازا ب جهئینانا ئه‌ڤێ سۆزێ دكه‌ن ژبه‌ركو د ده‌مه‌كێ هه‌ستیار دانه.
زێده‌ترئه‌یهه‌م جامی د داخویانیا خوه دا گۆت: د نوكه دا تیما مه یا ته‌پا پێی د خولا پلا دو یا كوردستانێ د قۆناغه‌كا هه‌ستیار داینه و هه‌ڤڕكێن بهێزن بۆ پلێتا خولا پلا ئێك، سه‌ركه‌فتنا بهێت ل سه‌ر یانا دیندارته دێ رێژا 90% ده‌ربازبوونێ مسۆگه‌ر كه‌ت، لێ ژبه‌ركو ئه‌م گه‌له‌ك پێدڤی ب لایه‌نێ ماددی نه پێخه‌مه‌ت یاریزانێن مه ب مافێ خوه شادبن و هه‌روه‌سان بشێن مه‌زاختیێن هاتن و چوونا خوه بۆ یاریێن ده‌رڤه به‌رهه‌ڤبكه‌ین، له‌ورا ئه‌م پێدڤی ب پشته‌ڤانیێ نه و چاڤه‌ڕێ سۆزا ئیدارا سه‌ربه‌خۆیا زاخۆنه كو بڕیارا دایی هاریكاریا یانا باتیفا بكه‌ت هه‌روه‌كو هه‌یڤانه جه‌نابێ سه‌رپه‌رشتێ ئیدارا زاخۆ گۆهدار شێخۆ هاریكاره ل گه‌ل مه و سۆزدایه به‌رده‌وامبیت و دۆپاتی كریه هه‌ر ده‌مێ تیما مه ده‌ربازبیته پلا ئێك دێ كار ل سه‌ر نۆژه‌نكرنا یاریگه‌ها یانا مه هێته كرن ئه‌ڤچه‌نده ژی جهێ ده‌ستخۆشیێ یه كو خوه ل یانا باتیفا ژی كریه خودان.
ناڤهاتی ژی دیاركر سه‌رباری یاریێن ڤێ حه‌فتیێ دێ چاڤه‌ڕێ بن لێ بۆ حه‌فتیا بهێت یاریه‌كا گرنگ هه‌یه ل گه‌ل یانا دینارته و سه‌ركه‌فتن دێ ئه‌م رێژا 90% پلێتا ده‌ربازبوونێ مسۆگه‌ر كه‌ین و دێ هه‌موو بزاڤا هێنه كرن باشترین شێوه تیما خوه به‌رهه‌ڤبكه‌ین و هه‌كه دڤێ حه‌فتیێ ژی دا هاریكاری بهێت دێ ژلایێ ماددی ژی ڤه و ده‌رونی یاریزانێن مه به‌رهه‌ڤبن و گۆت: چاڤه‌ڕێ بوونا مه د یاریا ڤێ حه‌فتیێ دا كه‌فتیه د به‌رژوه‌ندیا تیمێ دا پێخه‌مه‌ت یاریزان زێده‌تر ئارام و به‌رهه‌ڤیه‌كا باش بكه‌ن و رژدین بۆ ئارمانجا خوه ئه‌وژی به‌ره ب پلا ئێك و دووڤدا هزر بۆ پلا نایاب بهێته كرن.
