سیناتوره‌ك ئاشكرانا پلانا ئازادكرنا مووسل ب مه‌ترسى بۆ سه‌ر پێشمه‌رگه‌ى دزانیت
ئه‌ڤرۆ نیوز: ڤه‌ده‌ر ره‌شاڤايی:
پشتی به‌رپرسه‌كێ سه‌ربازی پلانا ئوپه‌راسیۆنا ئازادكرنا مووسل ئاشكرا كری، كو دێ ل مه‌ها نیسان یان گۆلانا ئه‌ڤ ساله ژ ئالیێ 25 هزار سه‌ربازێن كورد و ئیراقی ڤه هێته ده‌ستپێكرن، ڤئ یه‌كێ ره‌خنه لدووڤ خوه ئینان.
سێناتورێ ئه‌مریكی تۆم كۆتۆن و به‌رپرسێ لژنا خزمه‌تا سه‌ربارزی ل كۆنگرێسێ ئه‌مریكی كو به‌ریا نها ل ئه‌فغانستانێ و ئیراقێ كارێ سه‌ربازی كریه، ئاشكراكرنا پلانا ئۆپه‌راسیۆنێن ئازادكرنا موسل ژ داعش ره‌خنه‌كر و بتشه‌كێ مه‌ترسیدر دانا.
كۆتۆن گۆت كو ئاشكراكرنا ده‌م و ژمارا ڤێ پلانێ تشته‌كێ هه‌ستیاره دێ پێشمه‌رگه و هێزێن ئیراقی یێن دێ پشكداربن د ئۆپه‌راسیۆنێ دا ئیخیته مه‌ترسیێن مه‌زنتر دا.
