ئالۆنسۆ دێ كاروانێ خوه ب دووماهی ئینیت
ئه‌ڤرۆ،
شۆفێرێ ئسپانی و قاره‌مانێ جیهانی یێ به‌ریكانا فۆرمێلا ئێك فرناندۆ ئالۆنسۆ و یاریزانێ تیما ئالبین دیاركر كو قاره‌مانیا ئه‌ڤ ساله یا فۆرمێلا ئێك دێ بیته دووماهی پشكداریێن وی و ڤه‌ده‌رمه‌ندیا خوه راگه‌هینت.
لدووڤ گۆڤارا تایبه‌ت یا به‌ریكانا فۆرمێلا ل جیهانێ f1 racing ئالۆنسۆ بۆ دیاركری كو ئه‌و هه‌ست ب مادندیبوونێ كه‌ت و رژده لسه‌ر بڕیارا خوه وه‌رزێ ئه‌ڤ ساله دووماهی ب كاروانێ خوه یێ به‌ریكانێن فۆرمێلا ئێك ل سه‌ر ئاستێ جیهانێ بینت، پشتی ل حه‌فتیا بوری رێزبه‌ندیا 17ێ یا قاره‌مانیا خه‌لاتێ مه‌زن یێ جیهانی هاتی ئه‌وا ل وه‌لاتێ ئوسترالیا هاتبوو ئه‌نجامدان و ئه‌ڤچه‌نده به‌لگه‌یه كو شیانێن وێ كێمتر لێهاتینه و پێدڤی ب بهێنڤدانێ یه یان ژی ڤه‌ده‌رمه‌ندیێ، تۆره‌بوون و بێزاریا د قاره‌مانیێ دا دیاربوو كو دبیت دووماهی پشكداریا د ئه‌ڤ ساله دا بیت.
بۆ زانین ئالۆنسۆ یێ 40 سالی شیایه 32 جاران سه‌ركه‌فتنێ د فۆرمێلا ئێك دا بینت و 22 جاران سه‌رێ لیستا جیهانی بهێت و قاره‌مانێ ئێكانیه ناسناڤێ خه‌لاتێ مه‌زن و قاره‌مانیا جیهانی بده‌ستڤه بینت و نوكه بایلۆزێ یونیسڤه ل ئسپانیا بۆ هزرێن باش.
