رانگنیگ: پێدڤی یه نه‌شته‌گه‌ریا دلی بۆ مان یۆنایتد بهێته كرن
ئه‌ڤرۆ،
راهێنه‌رێ به‌روه‌خت یێ یانا مانچسته‌ر یۆنایتد دیاركر تیما وی گه‌له‌ك ئاریشه هه‌نه تایبه‌ت د نیڤا یاریگه‌هێ دا و پێدڤی ب گوهۆڕینێن مه‌زنه و ژبۆ چاره‌سه‌ركرنا وان تیم پێدڤی ب نه‌شته‌گه‌ریا دلی یه ئه‌ڤچه‌نده دڤێت راهێنه‌رێ نوو سالا بهێت یێ هۆله‌ندی تین هاچ كار بكه‌ت.
لدووڤ داخویانیا رالف رانگنیگ راهێنه‌رێ مان یۆنایتد بۆ رۆژناما the sun یا بریتانی دیاركر ئه‌و هێز و لاوازیا تیما خوه دزانیت و خالێن سه‌ره‌كی یێن ڤه‌گه‌ڕاندنا وێ هێزا ژی دڤێت ده‌ستپێكێ دناڤ چه‌رگێ تیمێ دا بیت گه‌له‌ك یاریزان هه‌نه خوه ژ تیمێ مه‌زنتر دبینن له‌ورا ئه‌ڤچه‌نده پێدڤی كاره‌كێ مه‌زنه وه‌كو نه‌شته‌گه‌ریا دلی بۆ بهێته كرن وه‌كو كارێ بزیشكی و نه بتنێ هنده‌ك گوهۆڕینێن كێم و هه‌كه‌ر نه هێته كرن ژی باوه‌رناكه‌م سالا بهێت ژی مانچسته‌ر بشێت هه‌ڤڕكیا ناسناڤی بكه‌ت، گه‌له‌ك یاریزان هه‌نه دڤێت نه‌مینن و كه‌س نه‌شێت دووربێخیت كو ئه‌ڤه خالا داكه‌فتنا هه‌ر تیمه‌كێ یه.
