ئه‌پلیكه‌یشنه‌ك بۆ پشكنینا هه‌وایێ ده‌ڤه‌را ته
ئه‌ڤرۆ:
چو پێ نه‌ڤێت د ماوێ چوویی دا گه‌له‌ك به‌حس ل هندێ هاته كرن كو هه‌وایێ دهۆكێ یێ پیسه و د ئێك ژ راپۆرتێن جیهانی ژی دا، ده‌ڤه‌را كواشێ وه‌كو پیسترین جه ل جیهانێ هاتبوو ده‌ستنیشانكرن، ل ڤێره ئه‌پلیكه‌یشنه‌كێ بۆ ته به‌رچاڤ كه‌ین بۆ پشكنینا كوالێتیا هه‌وایێ وێ ده‌ڤه‌را تو لێ دژی.
ئه‌ڤ ئه‌پلیكه‌یشنه ل سه‌ر مالپه‌رێ IQAir.com ب ناڤێ IQAir AirVisual یا ل به‌ر ده‌سته كو پشكدار دشێن ب رێیا ڤێ ئه‌پلیكه‌یشنێ پشكنینا هه‌وایی ل ده‌ڤه‌را خوه بكه‌ن ل ده‌مێ وان دڤێت دا بزانن رێیا پاقژیا هه‌وای چه‌نده.
ژبلی ڤێ چه‌ندێ پێزانین ل سه‌ر ره‌وشا سه‌قای ژی د ڤێ ئه‌پلیكه‌یشنێ دا هه‌نه و بابه‌تێن گرنگ ل دۆر چاوانیا باشتركرنا ره‌وشا هه‌وای د ناڤ ترۆمبێلێ دا، ل مال، ل قوتابخانێ، ل جهێ كاری و ل نه‌خۆشخانه و كلینیكێن نوشداری و گه‌له‌ك جهێن دی.
تشته‌كێ دی سه‌رنجراكێش تێدا ئه‌وه ده‌ما كو ل باژێره‌كی دگه‌ری دا ره‌وشا پاقژیا وی بزانی، دێ پیسترین باژێر ل سه‌ر ئاستێ جیهانێ ب رێز بۆ ته به‌رچاڤ بن. ل ده‌مێ دچیه د ناڤ ئه‌پلیكه‌یشنی ژی دا ئه‌و بخۆ دێ جهێ ته یێ جوگرافی ده‌ستنیشان كه‌ن دا كو زه‌حمه‌تێ ل سه‌ر وێ چه‌ندێ نه‌به‌ی. هه‌كه ته بڤێت یێن باژێره‌كی دژی بزانی، ئێكسه‌ر دێ ناڤێ وی باژێری ل جهێ لێگه‌ریانێ لێ ده‌ی و دێ دیار بیت.