كچه‌كێ گۆته من تۆ چو جاران نابیه مه‌دیاكار
ئاكرێ، ره‌مه‌زان زه‌كه‌ریا:
غه‌فار ته‌یب، په‌یامنێرێ كوردستان تیڤی ل ئاكرێ، د دیداره‌كێ دا بۆ رۆژناما ئه‌ڤرۆ گۆت: راگه‌هاندن ب گشتی و تایبه‌ت ژی په‌یامنێری حه‌زا من یا زارۆكینیێ بوویه و ئاخفتنا كچه‌كێ بوو ئه‌گه‌ر كو به‌رده‌وامیێ بده مه حه‌زا خوه ژبه‌ركو گۆته من تۆ چو جاران نابیه میدیاكار و گۆتنا وی بۆ پالده‌ر بۆ من كو یێ به‌رده‌وام بم، راگه‌هاندنی هنده‌ك كه‌س یێن ژمن وه‌رگرتین چونكی ده‌م تێرا من ناكه‌ت و گه‌له‌ك تشت یێن لمن زێده‌كرین تایبه‌ت ناسینا من بۆ دناڤ خه‌لكی دا.
هه‌روه‌سا گۆت : زۆربوونا ده‌زگه‌هێن راگه‌هاندنێ مینا ته‌له فزیۆن و رادیۆ و رۆژنامه دگرنگن به‌لێ دنوكه دا سۆشیال میدیا یێ ئه‌ڤ ده زگه‌هه داگیركرینه و گه‌له‌ك كه‌سێن نه‌زان كرینه راگه‌هاندكار و ل ده‌ف خه‌لكی ب ناڤ و ده‌نگ كرینه، ب رێیا سۆوشیال میدیا یێ زێده‌تر بابه‌تان دبینین و پاشان دیفچوونان بۆ دكه‌ین و د نوكه‌دا سۆشیالی جیهان گه‌له‌ك یا بچووك كری .
ل دووماهیێ گۆت: د ڤێت مرۆڤ ب زاراڤه‌كێ باخڤیت كو هه‌موو كه‌سه‌ك تێ بگه‌هیت و ته‌قلیدێ نه‌كه‌ت ئه‌و راگه‌هاندكارێ ته‌قلیدی دكه‌ت چو گرنگیا خو نینه و پێدڤی ب وی نینه، د هه موو كاران دا بۆچوونێن ئه‌رێنی و نه‌رێنی هه‌نه زۆربوونا ده‌زگه‌هێن راگه‌هاندنێ رازیكرنا خه‌لكی نه هێلایه، هه‌موو هیڤیا من كارێ مه‌یدانی بوویه ژ به‌ركو زێده‌تر سه‌ر هه‌لی ئاریشێن خه‌لكی دبین.
