وهلاتێن G7 كڕینا پهترۆلێ ژ رۆسیا قهدهغه كرن
ب، سهرجان مهحمود:
وهلاتێن خوهدان ئابووریا مهزن G7 رۆژا 8/5/2022 كۆمبوونهكا ئۆنلاین سازكرن و تێدا رهوشا جیهانێ ب گشتی و ئێرشا رۆسیا بۆ سهر ئۆكرانیایێ گهنگهشه كرن و راگههاندن كو دڤێت ئهو پێكڤه دهست ب سزادانا رۆسیا بكهن و د ڤێ چارچۆڤێ دا بریار دان ژ ئهڤرۆ پێڤه كڕینا پهترۆلێ و گازا سروشتی ژ رۆسیا راوهستینن و پهیوهندیێن ئابووری یێن ل گهل رۆسیا قهدهغه بكهن، ژ بهر كو ئهو ئێدی نهشێن بنپێكرنێن رۆسیا قهبوول بكهن و ئاشكرا كرن دێ د وارێن سهربازی، ئابووری و مرۆڤی دا ههڤكاریێن بۆ ئوكرانیایێ ژی هێنه زێدهكرن. د داخۆیانیا دووماهیێ یا كۆمبوونا سهركردێن وهلاتێن G7 دا هاته راگههاندن ژی د رهوشا نها دا ئهمریكا كڕینا پهترۆلێ ژ رۆسیا قهدهغه كریه و وهلاتێن ئێكهتیا ئۆرۆپا و وهلاتێن G7 ژی دێ دهست ب بجهكرنا قهدهغهیا ل سهر كڕینا پهترۆل و گازا سروشتی یا رۆسیا كهن.