به‌رشه‌لۆنا ستێركا خوه ل مانی گرتیه
ئه‌ڤرۆ،
پشتی بابه‌تێ ئێكلاكرنا ستێرا یانا درۆرتمۆند یا ئه‌لمانی ئیرلینگ هالاند بۆ یانا مان ستی یا ئنگلێزی، یانا به‌رشه‌لۆنا نه‌چاركریه كو ستێركا خوه ل هێرشبه‌رێ سنیگالی و یانا لیڤه‌رپۆل یا ئنگلێزی سادیۆ مانی بگریت و پێنگاڤا ئێكێ ب نامه‌كا داخوازكرنێ بۆ فرێكه‌ت.
لدووڤ راپۆرتا رۆژناما مۆندۆ دیبۆرتیڤۆ یا ئسپانی كو یانا به‌رشه‌لۆنا بێ هیڤی مایه ژ هالاندی ئه‌وێ چوونا وی بۆ مان ستی ئێكلابووی له‌ورا نه‌چاربووینه هه‌رزوو ستێركا خوه ل یاریزانێ لیڤه‌رپۆل سادیۆ مانی بگرن ئه‌وێ دێ گرێبه‌ستا وی وه‌رزێ بهێت ب دووماهی هێت و فرۆتنا وی بۆ یانه‌كا دی یانا لیڤه‌رپۆل نا بیته ڕێگر، ژلایه‌كێ دووڤه بۆ یانا به‌رشه‌لۆنا دوپات بوو كو یانا بایرن مێونخ یا ئه‌لمانی نا هێلیت ستێرا وێ رۆبێرت لیڤاندۆڤێسكی ب سانه‌هی ژ یانێ بچیت و هنده‌ك مه‌رجێن گران داناینه كو به‌رشه‌لۆنا بزه‌حمه‌ت بجهبینت.
هه‌مان رۆژنامێ دیاركر كو دبیت یاریزانێ مسری و یانا لیڤه‌رپۆل محه‌مه‌د سه‌له‌ح ببیته به‌ربژارێ سێیێ هه‌كه به‌رشه‌لۆنا نه‌شیا چو یاریزانێن ده‌ستنیشانكری بینت سه‌رباری داخوازیا وی یا مووچه‌كێ مه‌زن تایبه‌ت پشتی ئه‌وان ده‌نگۆباسێن دهێنه بلاڤكرن كو یانا بایرن میونخ ژی بزاڤێن ده‌ستڤه ئینانا سادیۆ مانی دكه‌ت.
