زیلێنسكی: هه‌لوه‌ستێ ئۆرۆپا جهێ گۆمانێ یه
ئه‌ڤرۆ:
سه‌رۆكێ ئۆكرانیایێ راگه‌هاند كو ده‌مه‌كه وه‌لاتێ وی داخوازا ئه‌ندامه‌تیێ د ناڤ رێزێن ئێكه‌تیا ئۆرۆپا دا كریه لێ مخابن هه‌تا نها وه‌لاتێن ئێكه‌تیا ئۆرۆپا ب ره‌نگه‌كێ باش به‌رسڤا ئۆكرانیایێ نه‌داینه و ئه‌و یه‌ك ژی بۆ خه‌لكێ ئۆكرانیایێ بوویه جهێ گۆمانێ.
زیلێنسكی ئه‌و یه‌ك ژی دیار كر كو پشتێ شه‌رێ مه و رۆسیا نها پتر ژ هه‌ر ده‌مه‌كێ پێدڤیا ئۆكرانیایێ ب هندێ هه‌یه كو ببیته ئه‌نداما ئێكه‌تیا ئۆرۆپا و خه‌لكێ ئۆكرانیایێ ژی چاڤه‌رێ هندێ نه ئێكه‌تیا ئۆرۆپا د زووترین ده‌م دا به‌رسڤه‌كا ئه‌رێنی بده‌ت.
ئه‌و یه‌ك د ده‌مه‌كێ دایه كو دوهی ئیمانوێل ماكرۆن سه‌رۆكێ فره‌نسا راگه‌هاند كو بابه‌تێ ئه‌ندامه‌تیا ئۆكرانیایێ د ناڤ رێزێن ئێكه‌تیا ئۆرۆپا دا بابه‌ته‌ك گه‌له‌ك ئالۆزه و ره‌نگه چه‌ندین سالان ڤه‌كێشیت هه‌تا كو ئۆكرانیا ببیته ئه‌نداما ئێكه‌تیا ئۆرۆپا.
