كورونایێ رێگری ل چینێ گرت بۆ مێڤانداریا قاره‌مانیا ئاسیا
ئه‌ڤرۆ،
ئێكه‌تیا ته‌پا پێی یا ئاسیا دیاركر وه‌لاتێ چینێ نڤێساره‌كا لێبوورینی بۆ وان هنارتیه كو ئه‌و نه‌شێن مێڤانداریا قاره‌مانیا ئاسیا یا 2023ێ بكه‌ن ژبه‌ر به‌لاڤبوونا په‌تایێ كورونایێ و كارتیكرنا وێ یا ته‌ندروستی ل سه‌ر وه‌لاتی.
لدووڤ نڤێسارا فه‌رمی كو پشتی گه‌نگه‌شه هاتیه كرن و راپۆرتێن هاتینه بلندكرنا ژلایێ وه‌زاره‌تا ساخله‌میێ كو كاودانێن وه‌لاتێ چینێ د هاریكار نینن بۆ مێڤانداریا قاره‌مانیا ئاسیا 2023 ژبه‌ر به‌لاڤبوونا كۆڤێد-19سه‌رباری د ماوێ بوری دا لژنا رێكخستنێ چه‌ندین كارێن باش كربوون ژلایێ یاریگه‌هی و جهێن ڤه‌حه‌واندنێ و دورستكرنا پێدڤیێن قاره‌مانیێ ئه‌وا بوو ماوێ دو ساله كارێ لسه‌ر دكری.
لدووڤ ژێده‌رێن رۆژنامه‌ڤانی هه‌ر ئێك ژ چاپان، قه‌ته‌ر و سعودیه به‌ربژارێن بهێزین بۆ وه‌رگرتنا مێڤانداریا قاره‌مانیێ كو بڕیاره د حه‌فتیا بهێت دا ئێكه‌تیا ته‌پاپێی یا ئاسیا ئێكلاكه‌ت.
