وه‌عه‌د شنگالی: دخوازین یانه‌كا ئۆلێمپی ل پارێزگه‌ها دهۆكێ هه‌بیت
ئه‌ڤرۆ، شاهۆ فه‌رید:
د دیداره‌كێ وه‌عه‌د شنگالی یاریزان و راهێنه‌ری یاریا مه‌له‌ڤانیا دخوازیت یانه‌كا تایبه‌ت یا ئۆلمپی ب یاریا مه‌له‌ڤانیا ل پارێزگه‌هێ هه‌بیت و شیانێن هه‌ین هه‌ڤڕكیێ بۆ خول و قاره‌مانیێن نێڤده‌وله‌تی بكه‌ن.
ناڤهاتی بۆ رۆژناما ئه‌ڤرۆ گۆت: سالانه زێده‌تری سێ خولێن فێربوونا مه‌له‌ڤانیا سه‌رپه‌رشتێ دكه‌م بۆ ژیێن جودا، من شیانێن باش یێن هه‌ین لێ رێكا دوور و نه‌بوونا پشته‌ڤانیێ رێگریێ ل كارێ من دكه‌ت، داخوازێ ژ نوونه‌راتیا دهۆك یا لیژنا ئۆلێمپیا كوردستانێ دكه‌م هاریكاربن و یانه‌كا ئۆلێمپی ل پارێزگه‌هێ هه‌بیت دوور ژ یاریا ته‌پاپێی، كومه‌كا باش یا یاریزانان به‌رده‌ستن شیانێن هه‌ین هه‌ڤڕكیێ بۆ ناسناڤێن خول و قاره‌مانیێن ناڤخۆ و نێڤده‌وله‌تی بكه‌ن له‌ورا هه‌بوونا یانێ رێكخوشه‌كه‌ره بۆ گه‌نج و زاروۆن حه‌ز هه‌بن .
وه‌عد شنگالی دیاركر بڕیاربوو پشكداری قاره‌مانیا نێڤده‌وله‌تی ل توركیا بم لێ ژبه‌ر په‌ژیكا كورونایی قاره‌مانی هاتیه پاشێخستن و گۆت: د نوكه دا هنده‌ك وه‌رزش بووینه بازرگانی و ئه‌ڤه شاشیه‌كه دهێته ئه‌نجامدان، دخوازم ده‌ڤه‌رێن ده‌وروبه‌ر ژی كومه‌لگه‌هێن ئۆلێمپی هه‌بن دا بێ به‌هرنه‌بن ، ده‌مێ خواندنا كولیژێ ب دووماهی ئیناتی من هه‌ست دكر دێ ئه‌ركێ من قورستر بیت و هه‌موو رێك دێ بۆ من ڤه‌كریبن لێ هه‌موو به‌روڤاژی ده‌ركه‌تن، پرۆژه‌ك من هه‌بوو به‌ریا چه‌ند سالا بۆ په‌روه‌ردێ ل گه‌ل وانه‌یا وه‌رزشێ و فێركرنی.
