فراس ئه‌لخه‌تیب: دێ زێده‌تر گرنگیێ ب كۆبا ئیراقێ ده‌ین
ئه‌ڤرۆ،
د دیداره‌كێ دا راهێنه‌رێ نوو یێ تیما ته‌پا پێی یا یانا زاخۆ دیاركر ب هه‌موو شیانێن خوه بۆ یاریێن مایی بتنێ هزرا سه‌ركه‌فتنێ كه‌ن و زێده‌تری دێ گرنگیێ ب كۆبا ئیراقێ ده‌ین پێخه‌مه‌ت ده‌ربازبوون بۆ یاریا دووماهیێ.
فیراس ئه‌لخه‌تیب ئه‌وچه‌نده ژی دیاركر سه‌رباری گرێبه‌ستا وی دڤیابا پشتی یاریا ل گه‌ل هه‌ولێرێ هاتبا ئیمزاكرن لێ من داخوازكر به‌ری یاریێ بیت ژبه‌ركو دا بكه‌مه سه‌ركه‌فتنا ئێكێ و دیاری بۆ جه‌ماوه‌رێ زاخۆ و بۆ یاریێن بهێت یێن خولا پلا نایاب ژی دێ هه‌موو بزاڤا كه‌ین ناهێلین چو خالان ژ ده‌ست بده‌ین بۆ هه‌ر یاریه‌كێ دێ پلان و نه‌خشه‌یێن جودا هه‌بن پێخه‌مه‌ت چاوانیا ب ده‌ستڤه ئینا ئه‌نجامه‌كێ باش لێ دێ زێده‌تر گرنگیێ ب كۆبا ئیراقێ ده‌ین ئه‌وا تیما مه گه‌هشتیه قۆناغا چارێك دووماهیێ كو دێ هه‌مبه‌ری یانا مه‌سافی ئه‌لجنوب بین ئێك ژ تیمێن بهێز یێن ئیراقێ لێ هه‌تا نوكه ژی چو ژڤانێن دیاركری نینن و دێ به‌رده‌وام به‌رهه‌ڤیان كه‌ین و ئارمانجا مه ده‌ربازبووینه بۆ یاریا دووماهیێ سه‌رباری ئه‌رك ب سانه‌هی نابیت و بۆ هه‌ر یاریه‌كێ چو ئه‌نجام ژی هه‌بیت ئه‌ز خوه به‌رپرسیار دانم.
ژلایه‌كێ دووڤه ناڤهاتی گۆت: هه‌رچه‌نده گرێبه‌ستا من هه‌تا دووماهییا وه‌رزێ ئه‌ڤ ساله‌یه لێ من هزر د وێ چه‌ندێ دا نه‌كریه و نه مووچه‌یێ گرێبه‌ستێ ژبه‌ركو هه‌موو هزرا من تیما زاخۆ یه دێ چه‌وا یا سه‌ركه‌فتی بیت و ئه‌ز چو ژ چاره‌نڤیسێ گرێبه‌ستا خوه نزانم پشتی ب دووماهی دهێت، بۆ من گرنگ تۆماركرنا سه‌ركه‌فتنا و باشترین ئه‌نجام و شانازیێ پێ دبه‌م راهێنه‌رێ یانه‌كا مه‌زن و خودان جه‌ماوه‌رێ وه‌فادار و دلسۆز ویێ مه‌زن.
