هه‌لبژارتیێ ئیراقێ پشت به‌ستنێ ل سه‌ر وه‌رزشڤانێن پارێزگه‌هێ دكه‌ت
ئه‌ڤرۆ، قه‌یس وه‌یس
دو یاریزان و راهێنه‌ره‌ك ژ پارێزگه‌ها دهۆكێ ل گه‌ل تیما هه‌لبژارتیێ ئیراقێ پشكداری قاره‌مانیا رۆژئاڤا ئاسیا یا یاریا باسكێت بۆلێ ل سه‌ر ئاستێ تازه‌پێگه‌هشتیان بووینه ئه‌وا هه‌ڤڕكی ب پشكداریا چار هه‌لبژارتیان ل وه‌لاتێ ئۆردن دهێته كرن.
دناڤ پێكهاتیێ هه‌لبژارتیێ ئیراقێ هه‌ر ئێك ژ كوڕێن باژێرێ زاخۆ جوتیار عه‌لی هاریكارێ راهێنه‌ری و زنار هشیار و سفیان ئیبراهیم وه‌كو یاریزان پشكداری قاره‌مانیێ بووینه و شیاینه ئاست و ئه‌نجامێن باش تۆماربكه‌ن.
لدور ڤێ یه‌كێ جوتیار عه‌لی د داخویانیه‌كێ دا بۆ رۆژناما ئه‌ڤرۆ گۆت: پشكداریا مه و یاریزانێن زاخۆ ل گه‌ل هه‌لبژارتیێ تازه‌پێگه‌هشتیێن ئیراقێ قۆناغه‌كا نوو یه د هه‌لكه‌فتێن نێڤده‌وله‌تی دا كو یاریزانێن مه شیاین د تاقیكرنا ئێكێ باشترین ئاست و شیان و ب سه‌ركه‌ڤن، ژبه‌ركو قاره‌مانیه‌كا بهێزه و هه‌لبژارتیێن پشكدار هه‌موو سه‌ر ئاستێ ئاسیا هه‌ڤڕكن بۆ ناسناڤان، وه‌كو راهێنه‌ر من گه‌له‌ك مفا ژێ وه‌رگرتیه تایبه‌ت وه‌كو رێكخستن و وه‌رگرتنا پێزانینا سه‌ر شێواز و سه‌ره‌ده‌ریكرنا یاریزانا و تیمێ، هه‌موو یاریزان ئێك ژی دا بوون كو ئه‌ڤه ژی مفایه‌كێ دی بوو یێ یاریزانان.
هه‌ردو یاریزانێن مه شیان رۆله‌كێ مه‌زن د تۆماركرنا خالان دا بینن و شیان ئاسته‌كێ مه‌زن نیشان بده‌ن باشترین شێوه و گۆت: پشتی ڤێ قاره‌مانیێ دێ به‌رهه‌ڤیان كه‌ین بۆ قاره‌مانیا رۆژئاڤا ئاسیا بۆ ژیێن لبن 18ێ سالی دا و یاریزانێن مه ژی دێ پشكداربن و گه‌شبینم دێ بهێزتر هێنه دناڤ هه‌ڤڕكیان دا.
