سه‌عید خه‌لیل باوه‌ریا ده‌سته‌كا گشتی یا ئێكه‌تیا تێنسا ئه‌ردی وه‌رگرت
ئه‌ڤرۆ،
سه‌رۆكێ ئێكه‌تیا تێنسا ئه‌ردی ل پارێزگه‌ها دهۆكێ و ئه‌ندامێ ئێكه‌تیا ئیراقێ یا هه‌مان یاری سه‌عید خه‌لیل باوه‌ریا ده‌سته‌كا گشتی وه‌رگرت بۆ دووباری پۆستێ ئه‌ندامه‌تیا ئێكه‌تیێ بۆ چار سالێن دووڤدا، پشتی ل ئه‌ینیا بوری د كۆمبوونا فه‌رمی ل باژێرێ به‌غدا هاتیه كرن.
لدور بابه‌تێ دووباره وه‌رگرتنا باوه‌ریێ سه‌عید خه‌لیل د داخویانیه‌كێ دا بۆ رۆژناما ئه‌ڤرۆ گۆت: پێخووشحالم ده‌سته‌كا گشتی دووباره باوه‌ری دایه من بۆ ئه‌ندامه‌تیا ئێكه‌تیا تێنسا ئه‌ردی یا ئیراقێ ئه‌ڤچه‌نده ژی ژبه‌ر ئه‌وێ بزاڤ و چالاكیێن مه بۆ ئێكه‌تیێ و ڤێ یاریێ كرین، پێنه‌ڤێت ئه‌ركێ من ب سانه‌هی نینه ژبه‌ركو هه‌موو بزاڤا كه‌م نه بتنێ بۆ ئێكه‌تیێ كارێن پێشكه‌فتی بكه‌م به‌لكو بۆ پارێزگه‌ها دهۆكێ كو به‌رده‌وام پشته‌ڤانیێ و رێكێن پێشڤه‌چوونا ڤێ یاریێ بكه‌م، سۆپاس بۆ هه‌موو هه‌ڤالێن باوه‌ری دایه من و پێخووشحالین رێژا كوردا ژ دو كه‌سان بۆ نه سێ كه‌س پشتی زێده‌كرنا كه‌سایه‌تیێ به‌رنیاس ل هه‌ولێرا پایته‌خت ئه‌وژی ئه‌بوزه‌ید زێده‌باری سه‌رۆكێ ئێكه‌تیێ وریا رۆستم كو ئه‌ڤه ژی دی بیته پێنگاڤه‌كا باشتر بۆ پێشخستنا وه‌رزشێ ل كوردستانێ.
ژلایه‌كێ دووڤه ناڤهاتی دیاركر هه‌بوونا یاریزانێن خودان شیان سه‌ر ئاستێ كوڕان و كچان و راهێنه‌رێن هه‌ردو ره‌كه‌زان و پشكدارن ل گه‌ل هه‌لبژارتیێ ئیراقێ باشترین به‌لگه‌یه كو ئه‌م كاره‌كێ كوم دكه‌ین ل پارێزگه‌هێ، له‌ورا هیڤییا مه ئه‌وه جهێن په‌یوه‌ندیدار ژی خوه ل ڤێ یاریێ بكه‌نه خودان پشته‌ڤانیێ بكه‌ن ژبه‌ركو یاریه‌كا بزه‌حمه‌ته و تایبه‌تمه‌نده و ده‌مه‌كێ درێژ پێ دڤێت یاریزان بگه‌هیته كۆمپیتكێ و مه راهێنه‌رێن خودان شیان هه‌نه كو ئه‌ركه‌كێ مه‌زن دكه‌ن.
