زاخۆ ب ڕێیا نه‌فتێ دێ برینێن خوه ده‌رمان كه‌ت
ئه‌ڤرۆ،
چاڤه‌ڕێ دهێته كرن ئه‌ڤرۆ ده‌مژمێر چارێ ئێڤاری كوڕێن خابووری مێڤانداریا یانا نه‌فت ئه‌لوه‌سه‌ت ل یاریگه‌ها یانا دهۆك یا وه‌رزشی بكه‌ت ژ چارچووڤێ هه‌ڤڕكیێن گه‌ڕا 33ێ بۆ یانێن پلا نایابا ئیراقێ یا ته‌پا پێی، سه‌رباری بڕیاربوو ئه‌ڤ یاریه ل یاریگه‌ها زاخۆ یا نێڤده‌وله‌تی هاتبه كرن لێ ژبه‌ر سزایێن ئێكه‌تیا ته‌پاپێی هاته ڤه‌گۆهاستن بۆ یاریگه‌ها دهۆكێ و بێ جه‌ماوه‌ری، دڤێ یاریێ دا هه‌ردو پیشه‌كارێن زاخۆ هێلیۆ مۆنتێرۆ و كامبۆ ئۆلێڤێرا پشكدار نابن ژبه‌ر كارێن زه‌ر.
لدور دووماهی به‌رهه‌ڤیێن كوڕێن خابیری ره‌مه‌زان سه‌دیق یاریزانێ تیما زاخۆ بۆ رۆژناما ئه‌ڤرۆ دیاركر تیما وان د قۆناغه‌كا هه‌ستیار دا ده‌رباز دكه‌ن تایبه‌تی پشتی خوساره‌تی د دو یاریێن بوری دا تۆماركرین و ده‌رئه‌نجامێ وێ شه‌ش خال ژ ده‌ست داین و د رێزبه‌ندیێ ژی دا پاشڤه بچین، له‌ورا بۆ یاریا ئه‌ڤرۆ دێ ب هه‌موو هێز و زاخه‌كا بلند هێنه دناڤ یاریگه‌هێ دا پێخه‌مه‌ت ده‌ستڤه ئینانا خالێن یاریێ سه‌رباری تیما مێڤان بهێزترین هه‌ڤڕكیێن خولێ یه و رێزا سێیێ دهێت ئانكو یاریه‌كا ب سانه‌هی نابیت، ئه‌م رژدین بۆ ئارمانجا خوه و ئاشكرنا جه‌ماوه‌رێ زاخۆ سه‌ره‌رایی د ناڤ یاریگه‌هێ دا ئاماده نابن لێ دڤێت دلێ وان كه‌یفخووشكه‌ین، راهێنه‌رێ مه ل سه‌ر هێز و كێماسیێن تیما مێڤان كاركریه و دێ هه‌موو بزاڤا كه‌ین نه هێلین چو خالان ژ ده‌ست بده‌ین.
بۆ زانین تیما یانا زاخۆ ب 43 خالان رێزا هه‌شتێ دهێت و مێڤانا وێ نه‌فت ئه‌لوه‌ست ب 61 خالان رێزا سێیێ دهێت ئه‌وا یانا شورته خودانا سه‌رێ لیستێ ب 82 خالان ناسناڤێ وه‌رزێ ئه‌ڤ ساله یێ خولا پلا نایابا ئیراقێ مسۆگه‌ر كری.
