خولا نه‌ته‌وێن ئۆرۆپا هه‌ڤڕكیه‌كا نوو ب سیسته‌مه‌كێ جودا
ئه‌ڤرۆ،
خولا نه‌ته‌وێن ئۆرۆپا بۆ یاریا ته‌پا پێی دهێته هژمارتن ئێك ژ نووترین قاره‌مانیێن سه‌ر ئاستێ كێشوه‌رێ ئۆرۆپا دهێته رێكخستن و ب سیسته‌م و شێوه‌كێ جودا ژ قاره‌مانیێن دی یێن هه‌ڤڕكیێن وێ دهێنه ئه‌نجامدان كو چالاكیه‌كا فه‌رمی یه و هه‌موو وه‌لاتێن ئه‌ندام د ئێكه‌تیا ئۆرۆپا یۆفا هه‌لبژارتیێن خوه پشكداریێ تێدا دكه‌ن كو دگه‌هنه 55 هه‌لبژارتی.
- كه‌نگی هاتیه دامه‌زراندن و قاره‌مان كینه.
قاره‌مانیا خولا نه‌ته‌وه‌ێن ئۆرۆپا UEFA Nations League ل سالا 2018ێ هاتیه دامه‌زراندن پشتی هه‌ر ژ سالا 2013ێ وه‌كو نه‌خشه بوو هاتبوو دانان پێخه‌مه‌ت مفا وه‌رگرتن ژ یاریێن وێ بۆ هه‌موو هه‌لبژارتیان وه‌كو یاریێن هه‌ڤالینی و به‌رهه‌ڤكرن، ئێكه‌م قاره‌مانی ل وه‌لاتێ روسیا هاتبوو كرن پشتی دووماهی هاتنا مۆندیالا جیهانی یا 2018ێ و هه‌لبژارتیێ پۆرتۆگال ب ناسناڤێ وێ هاتبوو خه‌لاتكرن، ل سالا 2019ێ ب هه‌مان شێوه هاته كرن و هه‌لبژارتیێ فره‌نسا ناسناڤێ خولێ ده‌ستخوه‌ڤه ئینا، لێ ژبه‌ر په‌تایێ كۆرۆنایێ ل هه‌ردو سالێن 2020 و 2021 نه هاته ئه‌نجامدان.
- سیسته‌مێ خولێ
هه‌ر 55 وه‌لاتێن ئه‌ندام د ئێكه‌تیا ئۆرۆپا دا بۆ چار ئاستان هاتینه به‌لاڤكرن، 12 هه‌لبژارتی بۆ ئاستێ ئێكێ، 12 هه‌لبژارتی بۆ ئاستێ دویێ، 15 هه‌لبژارتی بۆ ئاستێ سێیێ، 16 هه‌لبژارتی بۆ ئاستێ چارێ ، دیسان هه‌ر ئاسته‌ك بۆ سێ و چار كۆما هاتینه به‌لاڤكرن كو چار یان سێ هه‌لبژارتی د هه‌ر كۆمه‌كێ دا و سه‌رجه‌مێ وان دبنه 12 كۆم و یاریێن وان ب شێوێ خول دو قۆناغ هاتن و چوون دهێنه كرن، سه‌ركه‌فتیێ هه‌ر كۆمه‌كێ دێ ده‌ربازبیته پێش دووماهیا خولێ ئه‌وا هه‌تا دووماهیا خولێ دێ ئێك یاری بیت، سیسته‌مێ داكه‌فتنێ د خولێ ژی دا هاتیه په‌یره‌وركرن، ئه‌و هه‌شت هه‌لبژارتیێن ده‌ربازبووی دێ یاریێن وان ل ئێك وه‌لات هێنه ئه‌نجامدان پشتی پشككێشانێ، هه‌روه‌سان ئه‌و هه‌ر چار تیمێن ده‌ربازبنه پێش دووماهیا خولێ دێ پلێتا قاره‌مانیا نه‌ته‌وێن ئۆرۆپا یا سالا 2024 ده‌ستخوه‌ڤه ئینن ئه‌وا دهێته چاڤه‌ڕێكرن ل وه‌لاتێ ئه‌لمانیا بهێته ئه‌نجامدان.
- یاریێن ئه‌ڤرۆ.
ژ یاریێن ئه‌ڤرۆ یێن گه‌ڕا دویێ یا خولا نه‌ته‌وه‌یێن ئۆرۆپا بڤی ره‌نگی خوارێ نه، ئاستێ ئێكێ ده‌مژمێر 9:45 شه‌ڤ چێك – ئسپانیا، پۆرتۆگال- سویسرا، ئاستێ دویێ هه‌مان ده‌مژمێرێ ب شه‌ڤ سوید- نه‌رویج، سربیا- سلۆڤینیا، ئاستێ سێیێ، قوبرس- ئیرله‌ندا باكۆر، چێبرلتار- ماكه‌دونیا باكۆر، بۆلگاریا- جۆرجیا، كۆسۆفۆ- یۆنانستان، ئاستێ چارێ سانمارینۆ- مالتا.
