لاوێن دهۆكێ سه‌رێ لیستێ و چارگۆشا زێرین مسۆگه‌ر كر
ئه‌ڤرۆ،
تیما ته‌پا پێی یا لاوێن یانا دهۆك وه‌كو قاره‌مانا كۆما ئێكێ یا ده‌ڤه‌را هه‌رێما كوردستانێ و باكورێ ئیراقێ ده‌ربازبوونا خوه بۆ چارگۆشا زێرین مسۆگه‌ر كر پشتی شیایی سه‌رێ لیستا كۆما خوه پارێزیت ب كۆمكرنا 16 خالان ژ چارچووڤێ هه‌ڤڕكیێن گه‌ڕا به‌ری دووماهیێ یا خولا پلا ئێكا ئیراقێ.
لدور ڤێ یه‌كێ روباد خه‌لیل هاریكارێ راهێنه‌رێ تیما یانا دهۆك بۆ رۆژناما ئه‌ڤرۆ گۆت: بۆ جارا ئێكێ یه تیما لاوێن یانا دهۆك بگه‌هیته چارگۆشا زێرین یا خولا پلا نایاب ئیراقێ ئه‌ڤچه‌نده ژی ب سانه‌هی نه‌هاتیه به‌لكۆ ب كاره‌كێ كۆم و رژدیا كادرێ راهێنانێ و یاریزانا و كارگێریا یانێ ئه‌م شیاین بێ هه‌ڤڕك و ب كۆمكرنا 16 خالان سه‌رێ لیستا كۆما خوه ب پارێزین و ده‌ربازبینه قۆناغا دووماهیێ و چارگۆشا زێرین به‌ری ب دووماهی هاتنا خولێ ب گه‌ڕه‌كێ كو یاریا بهێت دێ بینه مێڤانێن یانا عه‌له‌م، له‌ورا بۆ قۆناغا دووماهیێ كاره‌كی باشتر و ب هێزتر كه‌ین پێخه‌مه‌ت ده‌ستڤه ئینانا رێزێن ئێكێ و بزاڤێن ناسناڤی كه‌ین، پێنه‌ڤێت پشته‌ڤانیا كارگێریا یانێ یا به‌رده‌وام دێ بیته ئێك ژ خالێن سه‌ره‌كی یێن ڤێ ئارمانجێ.
بۆ زانین دهۆك ب 16 خالان، پێشمه‌رگا سلێمانیێ ب 13 خالان و عه‌له‌م ب 11 خالان رێزێن ئێكێ هه‌تا سێیێ دهێن و بڕیاره دووماهیا ڤێ حه‌فتیێ دهۆك بیته مێڤانا عه‌له‌م و پێشمه‌رگا سلێمانیێ بیته مێڤانا دیالا بۆ دیاركرنا تیما دویێ یا پلێتا ده‌ربازبوونێ ئه‌وا دهێته پێشبینیكرن ل ناڤه‌راست تا دووماهیا ڤێ هه‌یڤێ بشێوێ كۆمڤه‌بوون ل باژێرێ به‌غدا بهێنه كرن.
