هه‌ژماره‌كا پڕۆژه‌یێن ئاڤێ ل پارێزگه‌ها دهۆكێ دێ هێنه بجهئینان
ئه‌ڤرۆ:
د. عه‌لی ته‌ته‌ر، پارێزگارێ دهۆكێ دوهی 17/7/2022 ب گۆژمێ 438 ملیۆن و 998 هزار دیناران هه‌ژماره‌كا پڕۆژه‌یێن ئاڤێ ره‌وانه‌ی بجهئینانێ كرن، پڕۆژه ژی ژ لایێ رێڤه‌به‌ریا ئاڤا ده‌وروبه‌ران ڤه دێ هێنه بجهئینان.
ئه‌و پڕۆژه‌یێن ئاڤێ كو بڕیاره بهێنه بجهئینان، پێك دهێن ژ:
- دابینكرنا ماتۆرێن ئاڤێ و سه‌خبێریكرنا فلته‌ران ل گه‌ل چێكرنا تۆرا ئاڤا كۆمه‌لگه‌ها بریفكا.
- نووژه‌نكرن و گوهارتنا تۆرا ئاڤێ ل تاخێ ئازادی ل قه‌دشێ و چێكرن و سه‌خبێریكرنا تۆرا ئاڤا گوندێن (وه‌رمێلێ و گه‌ره‌گوهێ).
- پڕۆژێ كۆلانا بیره‌كا ئاڤێ ل گه‌ل چێكرنا عمباره‌كا 60م سێجا بۆ گوندێ كێسته، كڕین و دابینكرنا (په‌مپێن ئاڤێ) بۆ پڕۆژێ سه‌ره‌كی یێ ناوچه‌داریا كانی ماسێ ل گه‌ل گه‌هاندنا هێلا سه‌ره‌كی یا ئاڤێ بۆ عبارا نوو یا كانی ماسێ، ل گه‌ل كۆلانا بیره‌كا ئاڤێ بۆ گوندێ دێرێ.
- گه‌هاندنا هێلا ئاڤێ بۆ كارگه‌هه‌كا چێكرنا كه‌ره‌ستێن پاقژكرنێ ل سێمێلێ.
