وه‌زاره‌تا سامانێن سرووشتی:سۆمۆ دخوازیت ئاسته‌نگان ل به‌رده‌م دانوستاندنێن به‌غدا و هه‌ولێرێ دروست بكه‌ت
ئه‌ڤرۆ:
وه‌زاره‌تا سامانێن سرووشتی ل هه‌رێما كوردستانێ به‌رسڤا نامه‌كا كۆمپانیا ب بازاركرنا په‌ترۆلا ئیراقێ (سۆمۆ) دده‌ت.
د به‌رسڤا وه‌زاره‌تا سامانێن سرووشتی دا، ب توندی وێ نامه‌یا سۆمۆ ئه‌وا ل رۆژا 23 ڤیچ مه‌هێ به‌لاڤكری، شه‌رمزار دكه‌ت.
ل رۆژا 23 ئاب 2022، سۆمۆ راگه‌هاندبوو، رێكارێن قانوونی دژی كڕیار و بازرگانێن په‌ترۆلا خام یا هه‌رێما كوردستانێ گریته به‌ر.
د به‌رسڤا وه‌زاره‌تا سامانێن سرووشتیدا هاتیه” نامه‌یا سۆمۆ هیچ نینه ژبلی دلۆپه‌كا دی ژ پێزانینێن وێ یێن نه‌راست و پشكه‌كه ژ شه‌ره‌كێ سیاسی”. هه‌روه‌سا دبێژیت” ئه‌و شه‌ڕێ سۆمۆ بزاڤه‌كه بۆ تێكدانا دانوستاندنێن هه‌ولێرێ و به‌غدا و دروستكرنا ئاسته‌نگانه ل به‌رده‌م وان دانوستاندنان، هه‌روه‌سا نامه‌یا سۆمۆ درێژه‌پێدانا هه‌مان سیاسه‌تا دادگه‌ها فیدرالیه كود ژی هه‌رێما كوردستانێ گرتیه به‌ر”.
وه‌زاره‌تا سامانێن سرووشتی ره‌خنێ ل دادگه‌ها فیدرالی دگریت و دیاردكه‌ت كو دادكه‌ها بلند یا فیدرالی نینه و بریارا وێ یا پێگیر نینه. ژ به‌ر كو هێشتا دادگه‌ها بلند یا فیدرالی ب گۆره‌ی دستووری نه‌هاتیه پێكئینان، له‌وما بڕیارێن وێ هیچ سه‌نگه‌كا قانوونی ل ئیراقێ و جهێن دی نینه”.
