پیڤهرێ ئاڤێ ژی دێ بیته ئهلكترۆنی
ههولێر، قائید میرۆ:
وهزارهتا باژێڕڤانی و گهشت و گوزارێ كار دكهت، كو پیڤهرێ ئاڤێ ژی ببیته ئهلكترۆنی و پهیڤدارێ وهزارهتێ ژی دبێژیت: مهرهم ژ ئهلكترۆنی كرنا پیڤهرێ ئاڤێ بۆ چارهسهركرنا ئاریشهیێن پیڤهرانه.
كوردۆ شابان، پهیڤدارێ وهزارهتا باژێڕڤانی و گهشتوگوزار بۆ رۆژناما ئهڤرۆ دیار كر، وهزارهتا باژێڕڤانی كار بۆ ئهلكترۆنی كرنا پیڤهرێن ئاڤێ دكهت و گۆت: “مهرهم ژێ زێدهتر رێكخستنا پیڤهرێن ئاڤێ و خواندنا شاش یا پیڤهرێن ئاڤێیه، ژ بهركو ههژمارهكا زۆرا وهلاتیان گازندان ژ هاتنا پارهیهكێ زۆر یێ كرێیا ئاڤێ دكهن، بهلێ ل گهل ب ئهلكترۆنی كرنا سیستهمێ ئاڤێ، ئهو ئاریشه دێ هێته چارهسهركرن و مینا كرێیا كارهبێ وهلاتی ههیڤانه دێ پارێ ئاڤێ ژی دهنه حوكمهتێ”.
كوردۆ شابان گۆتژی: “ههر وهلاتیهكێ گومان ژ زۆریا پارێ ئاڤێ ههبن، بلا سهرهدانا لایهنێن پهیوهندیدار بكهت بۆ چارهسهركرن و پێداچوونێ، دانا كرێیا ئاڤێ ژی ههروهكی بهرێ مایه و داشكاندن بۆ نههاتیه كرن، بزاڤێن وهزارهتێ بۆ چارهسهركرنا ئاریشهیێن پیڤهرێ ئاڤێ دێ د بهردهوام بن و ههر ئاریشهیهكا ههبیت ب رێكخستنا سیستهمی دێ هێته چارهسهركرن”.
