چاوا زێده‌بوونا كولیسترولی دبیته ئه‌گه‌رێ ره‌قبوونا ده‌ماران؟
ئه‌ڤرۆ، به‌رپه‌رێ ساخله‌میێ:
دبێژین كو خوینهنێر ئه‌و مووده‌مارن ئه‌وێن خوینێ ژدلی وه‌ردگرن و ڤه‌دگوهێزنه هه‌موو ئه‌ندامێن له‌شی، دگه‌ل خۆ دا خوارنێ و كه‌رسته‌یێن كیمیاوی و كانزا و هورمونان ژی بۆ هه‌ر شانه‌یه‌كا كو هێزێ وه‌ردگریت ڤه‌دگوهێزن داكو ب كارێ خۆ راببن، خوین ب رێكا زنجیره‌یه‌كێ دهه‌موو خوینهنێرێن ساخله‌م را دبوریت و ل وێرێ قاته‌كێ پێچای دناڤ خوینهنێران دا هه‌یه داكو پاراستنێ ل سه‌ر نه‌رماتیا خۆ بكه‌ن و هاریكاریێ د هاتن و چوونا خوینێ دا بكه‌ن، ئه‌و قاتێ نه‌رم و سڤك ژ هنده‌ك شانه‌یێن هه‌ڤگرتی پێكهاتیه كو رێكێ ناده‌ن چ پێكهێنه‌رێن خوینێ بگه‌هنه دیوارێن خوینهنێران له‌ورا ژی پاراستنا ڤی قاتی گه‌له‌ك یا گرنگه داكو ئه‌وژی ب ره‌نگه‌كێ ساخله‌م خوینهنێران ب پارێزیت.
ئه‌و قات كه‌رسته‌یه‌كی ده‌ردهاڤێژیت كو هاریكاریێ د به‌رفره‌هكرنا خوینهنێران دا دكه‌ت بۆ ب سانه‌هیكرنا رێكا خوینێ، ئه‌گه‌ر ئه‌ڤ شانه پووچ بوون دێ شه‌خبوون كه‌ڤیته وی قاتی و هنده‌ك كونك دێ په‌یدابن كو كولیسترول دێ چیته دناڤدا و ب تایبه‌ت كولیسترولێ نه‌باش كو پتر مه‌ترسیه و د ئه‌نجامدا دێ هنده‌ك گیرهه‌بوونێن روینی دیوارێن خوینهنێران گرن و ل وێرێ شه‌ر دێ دناڤبه‌را كولیسترولی و ته‌پكێن سپی یێن خوینێ دێ په‌یدابن كو دێ هه‌ول ده‌ن خۆ ژوان گیرهه‌بوونا پارێزن و ئه‌نجام ژی هه‌لبه‌ت دێ وه‌كی شه‌ری بن كو هنده‌ك كه‌س دێ بنه و گۆت: پێدڤیه ئه‌م چاڤێن خۆ زل بهێلین ل هه‌مبه‌ر ئه‌گه‌رێن نه‌خوشیێ و چاوانیا خوپاراستنێ، هه‌تا ئه‌م بشێین بێژین كو دێ نه‌خوشیێ كونترول كه‌ین و دا ب سه‌ركه‌ڤین د مه‌ترسیێن وێ دا و داكو گه‌ڤ ل ژیانا مه نه‌هێته كرن و ب تایبه‌ت ژلایێ جه‌له‌تیا دلی.
