رێڤهبهرێ باجا كومپانیان ل دهۆكێ 100% داهاتێ كومپانیان زێدهبوویه
ئهڤرۆ، سالار محهمهد دۆسكی:
رێڤهبهرێ باجا كومپانیان ل دهۆكێ دیاركر كو ل دووڤ دووماهی ئامارێن رێڤهبهریاوان ماوێ سێ سالێن بوری دا داهات دوجارا هندی خوه زێدهبوویه و زێدهتر دیفچوون و زهلالی ل داهاتی دا دروست بوویه و هژمارهكا مهزنا كومپانیان هاتینه ژنافبرن و هندهك ژی نوو هاتینه دامهزراندن.
ئاری مهئمون عهبدوالرزاق، رێڤهبهرێ باجا كومپانیان ل دهۆكێ ئاشكراكر كو ههموو كومپانی و فهرمانگهه و زانكۆ و رێكخراو سازیێن ئههلی باجه ژێ دهێته وهرگرتن ل سنورێ پارێزگهها دهۆكێ و ههمی باجا خوه دهن لدووڤ رێنمایێن حوكمهتا ههرێما كوردستانێ، ل دووڤ دووماهی ئامارێن رێڤهبهریا مه ههتا نوكه 3194 كومپانی ههنه كو باجا خوه دهن، 144 كومپانی ئهڤ ساله ژناچووینه و 105 كومپانیێن دی زێده بووینه و ئهڤێن هاتینه ژناڤبرن ئهو كارهكێ ههفپشك بوویه یێ رێڤهبهریا مه ل گهل رێڤهبهریا كومپانیان ل پارێزگهها دهۆكێ و گهلهك كومپانی نهمابوون لێ بتنێ نڤیسار نهگههشت بوومه شنوو هاتینه ئاگههداركرن لهوما هژمار زێدهبوویه و یا دروست نێزیكی 90 كومپانیانه ل ئهڤ ساله و بهرامبهر 105 كومپانی زێدهبووینه و ماوه بۆ ماوێ كومپانی زێدهدبن ههتا سالا 2012 ڤهكرنا كومپانیان گهلهكا زێدهبوو و ئهگهر بڤی رهنگی بهردهوام با رهنگه نوكه گههشتبانه 7000 كومپانیان، ماوێ چار سالێن بوری دا نێزیكی 80% كومپانیێن بێ كار هاتینه ژناڤبرن كو نێزیكی 600 كومپانیان و هێشتا ماینه ژی و كار ل سهر دهێتهكرن چونكه هندهك كومپانی ههنه حهفت ساله سهرهدانا رێڤهبهریا مه نهكرینه.
ناڤبری گۆت: دو جورێن كومپانیان ل پارێزگهها دهۆكێ ههنه نافخو و بیانی و بیانی ههتا 700 كومپانیان مه ههنه و پشكهكا ههره مهزنا ئهڤ كومپانیان سهردانا مه دكهن و پشكهك ژی تایێن خوه ڤهكرینه و ژ بهر تێكچوونا كاودانان چووینه و كهسهك نینه كو رێڤهبهریا وێ بكهت و ژناف ببهت و ئێك نینه ئاگههداریا وان بكهین و كومپانیێن بیانی گهلهك پێگیربوون ب دانا باجێ چونكه گهلهك جاران ل هندهك فهرمانگههێن دی مامهلێن وا دهاتنه راوستاندن و نهچاربوون باجا خوه بدهن و دیسا یێن نافخوه ژی پشتی زانی سزادان ههیه ئهڤه سێ ساله زێدهتر باجا خوه دهن.
ئاری ئهو ژی گۆت: ئاریشا ههره سهرهكی یا رێڤهبهریا مه كادرێ تایبهتمهندێ كێمه و ماوێ سێ سالانه رێنما هاتینه گوهورین و بزحمهتن و دیفچوون ل سهر ههیه و پێدڤی ب كادرێ باش ههیه و لهوما ئێك ژ ئاریشێن سهرهكی بوومه نهبوونا كادرێ شارهزایه، یا دووێ جورێ كادری پشتی كار هاتیه گوهورین ل سهر مه هاتیه سهپاندن كو دڤێت فهرمانبهرهكێ باش بیت و خودان باوهرنامهكا باش بیت و تایبهتمهند بیت بشێت ل دووڤ شارهزایا خوه ڤی كاری بكهت نه ههر كهسهكێ ههبیت و دیسا هندهك جاران ئئاریشێن دارایی بوومه دروست بن و دڤێت رۆژانه ههتا 15 كومپانیان سهردانێ بۆ بكهی و یدفچوونێ بۆ بكهی و ئهڤێ ژی مهزاختی بۆ دڤێت و هندهك كێماسیی ب وی رهنگی نه نهشێن كارێ خوه ب شێوهكێ باش پێشكێش بكهین لێ ههم جا باشه و خهلك گههشتیه باوهریهكێ و پێشتر مه نیڤا وێ باجێ وهرنهدگرت و باجه 100% زێدهبوویه و ئهگهر بهری نوكه مه ملیارهك ههبیت نوكه مه دو ملیار ههنه ئهڤه ل سالا 2019 وهره و زێدهتر دادپهروهری تێدا ههیه و خودان بخوه تینت كو ئهڤه داهاتێ وی یه و رهنگه 10% ئهو كهس نهبن كو داهاتێ وی كێمتر بیت ژوێ ئهوا وی پێشكێشكری.
هێشتا گۆت: ئهو كهسێن دهێن سهردانا مه دكهن 95% زهلامن و 5% ژن و زێدهتر كومپانی بازرگانیا گشتی نه و قونتهراتێن گشتی و تهندورستی و كومپانیێن ئینانا كرێكارێن بیانی هژمارا وان (9) كومپانیێن ئهندازیاری و پیشهسازی و چاندن و گهلهكێن دی ههنه.
