كۆنفرانسێ پێكڤهژیانێ ل دهۆكێ دێ هێته ئهنجامدان
دهۆك، لهزگین جوقی:
رێڤهبهرێ كاروبارێن ئێزدیان ل پارێزگهها دهۆكێ دیار كر، كۆنفرانسێ پێكڤهژیانێ ل پارێزگهها دهۆكێ دێ هێته كرن و دبێژیت: د كۆنفرانسی دا سێ مامۆستایێن ئولی یێن ئێزدی و موسلمان و مهسیحی دێ پشكداریێ تێدا كهن و دێ بهحسێ پێكڤه ژیانێ كهن.
جهعفهر سمۆ، رێڤهبهرێ كاروبارێن ئێزدیان ل پارێزگهها دهۆكێ بۆ رۆژناما ئهڤرۆ دیار كر، پهیاما ئاشتی و پێكڤهژیانێ د كۆنفرانسی دا ژ لایێ مامۆستایێن ئایینی ڤه دێ هێته دیاركرن، ب تایبهتی ژی پارێزگهها دهۆكێ مالبهندێ پێكڤهژیانێ یه و ههموو ئول و نهتهوه و ئایین پێكڤه ل دهۆكێ دژین و گۆت: “د كۆنفرانسی دا هندهك دیكیۆمێنت دێ هینه نیشاندان ل سهر پێكڤهژیانا ل ههرێما كوردستانێ د ناڤبهرا ههموو ئول و نهتهوه و ئایینان دا ههی دێ هێته نیشادان، دیسا كارنامهیا حكومهتا ههرێما كوردستانێ دوپاتیێ ل سهر پێكڤهژیانێ دكهت و ئارمانجا مه ژی ژ كۆنفرانسی ئهوه، مه دڤێت ل دهۆكێ دیار بكهین ئهو كارنامهیه 100% هاتیه بجهئینان و دهۆك یا سهرفرازه ب ههبوونا پێكڤهژیانێ”.
ناڤهاتی ئاشكرا ژی كر كو كۆنفرانس ژ لایێ رێڤهبهریا گشتی یا ئهوقاف و كاروبارێن ئایینی ل دهۆكێ ب پشكداریا ههموو لایهنیێن پهیوهندیدار دێ هێته گێڕان و گۆت: “بڕیاره ئهڤرۆ 21/11/2022ێ كۆنفرانس ل هولا رێڤهبهریا گشتی یا ساخلهمیا پارێزگهها دهۆكێ بهێته ئهنجامدان”.
