رێڤهبهرێ گشتیێ خانهنشینان: زێدهكرنا مووچێ خانهنشینان پێدڤی ب بڕیارا حوكمهت و پهرلهمانی یه
ههولێر، قائید میرۆ:
رێڤهبهرێ گشتیێ خانهنشینان ل ههرێما كوردستانێ راگههاند، بۆ زێدهكرنا مووچێ خانهنشینان ل ههرێما كوردستانێ مه پێدڤی ب بڕیارا حوكمهت و پهرلهمانێ كوردستانێ ههیه و دبێژیت: ئهم چاڤهڕێی ههلویستێ وان دكهین.
حازم گۆران، رێڤهبهرێ گشتیێ خانهنشینان ل ههرێما كوردستانێ بۆ رۆژناما ئهڤرۆ دیار كر، حهفتیا بۆری دادگهها بلندا فیدڕالی بڕیارا دوماهیێ ل دۆر مووچێ خانهنشینان دهركر و گۆت: “ل گورهی بڕیارێ نابیت مووچێ خانهنشینان ژ 500 هزار دیناران كێمتر بیت، بهلێ ئهم چاڤهڕێی بڕیارا حوكمهت و پهرلهمانێ كوردستانێ دكهین بۆ بجهئینانا ئهڤێ بڕیارێ، ژ بهركو ئهم وهك خانهنشین نهشێین بێی ههرێما كوردستانێ ئهڤێ بڕیارێ بجه بینین و پێدڤی ب پارهی ههیه”.
حازم گۆران گۆتژی: “زێدهكرنا مووچێ خانهنشینان پێدڤی ب پارهیهكێ زۆر ههیه و مه زانیاری نینن دێ ههرێما كوردستانێ ئهو شیانێن دارایی ههبن یان ژی نابن، ههروهسا ئهركێ حوكمهتا ئیراقێ یه مادهم بڕیار دهركریه، پێدڤیه بهغدا ئهڤێ زێدههیێ ل سهر پشكا ههرێما كوردستانێ زێده بكهت، نابیت ب تنێ ههربڕیار بهێته دهركرن بێی ههبوونا پارهیێ پێدڤی”.
