بهرهڤانیا باژێرێ ل دهۆكێ ئامارێن زیانێن لههیێن شهڤا دی ئاشكرا دكهت
دهۆك، لهزگین جوقی:
پهیڤدارێ رێڤهبهریا بهرهڤانیا باژێری ل پارێزگهها دهۆكێ دیار كر، ژ ئهنجامێ بارانبارینا شهڤا دی و دروستبوونا لههیان ل هندهك جهێن دهۆكێ زیان گههشتیه 12 خێزانان و 11 ترۆمبێل د ناڤ ئاڤێدا مابوون، ژ وان ژی پێنج ترۆمبێل ئاڤ چوویه د ناڤ دا و ژ كار كهفتینه، لێ چو زیانێن گیانی ژ ئهگهرێ لههیان نهبووینه.
بێوار عهبدولعهزیز، پهیڤدارێ رێڤهبهریا بهرهڤانیا باژێری ل پارێزگهها دهۆكێ بۆ رۆژناما ئهڤرۆ خویا كر، پشتی ل شهڤا بۆری بارانهكا زۆر بار ی، ل هندهك تاخ و گهرهك و جهێن ئاگنجیبوونێ و جاددان لههی پهیدابوون و گۆت: “ل پێنج جهان تیمێن بهرهڤانیا باژێری ژیانا خهلكی قورتال دكرن و سهر و سامانێ وهلاتیان ژ لههیان دپاراستن، دیسا تیمێن مه شیان 12 خێزانان ژ روودانێن لههیان قورتال بكهن، كو ئاڤ چوو بوو د ناڤ خانیێن وان دا و زیان گههشیێ”.
ناڤهاتی ئاشكرا ژی كر كو ژ ئهگهرێ چێبوونا لههیان 11 ترۆمبێلێن وهلاتیان د ناڤ ئاڤێ دا مابوونه ئاسێ، ژ وانا: پێنج ترۆمبێل ژ كار كهفتبوون، ژ بهركو ئاڤ چوو بوو د ناڤ ترۆمبێلان دا، لێ سوپاس بۆ خودێ د وان لههیان دا چو زیانێن گیانی نهبووینه و ژ مهترسیا لههیان هاتینه قورتالكرن”.
بێواری گۆتژی: “گهلهك زیانێن ماددی گههشتینه وهلاتیان ههتا دوهی سپێدی 27/11/2022ێ هێشتا هندهك جه نههاتبوونه تۆماركرن یێن زیان گههشتیێ، لیژنێن مه دێ ناڤێ وان وهلاتیێن زیان گههشتیێ تۆمار كهن”.
