ئاریشا ئاڤێ ل دو گوندێن ناوچهداریا دێرهلۆكێ هاته چارهسهركرن
ئامێدیێ، مهحمود نهێلی:
ژ بهر نهبوونا چ ژێدهر و تۆڕێن ئاڤێ دو گوندێن سهر ب ناوچهداریا دێرهلۆكێ ڤه هێشتا ب رێكا دولكان بۆ خوه ئاڤ دابین دكر، لهو بهردهوام داخواز دكر ئاریشا وان بهێته چاسهركرن و رێڤهبهرێ ناوچهداریا دێرهلۆكێ ژی دبێژیت: ب رهنگهكی دهمكی ئاریشا ئاڤێ ل وان دو گوندان هاتیه چارهسهركرن.
موقهدهم غازی عزهت، رێڤهبهرێ ناوچهداریا دێرهلۆكێ بۆ ئهڤرۆ دیار كر، ژ بهر كو ل گوندێ مێرگێ و بێخیری ههتا نوكه سیستهم و تۆڕێن ئاڤێ نهبوون، ئاریشا ئاڤێ ل وان ههر دو گوندان دروست ببوو و گۆت: “ژ بۆ چارهسهركرنا ڤێ ئاریشێ مه ب فهر دیت ب رێكا تانكهران، ئاڤێ بۆ ڤان گوندان دابین بكهین، ههتا سیستهم و تۆڕێن ئاڤێ بۆ دهێنه چێكرن و ئهڤه ژی دێ بیته چارهسهریهكا بهروهخت، ههتا ئاریشا وان ب ئێكجاری دهێته چاسهركرن”.
ل سهر ڤێ یهكێ عهبدولرهحمان ئهحمهد ئاكنجیێ گوندێ مێرگێ خوهشحالیا خوه دهربری و گۆت: “نوكه ئاڤ بۆ مه ب رێكا تانكهران دهێته دابینكرن و ههر چهنده كارهكێ ب زهحمهته بۆ ههردولایان، لێ جهێ دهستخوهشیێ یه، ئهم هیڤیدارین ئاریشا مه یا ئاڤێ ب ئێكجاری بهێته چارهسهركرن”.
