رێڤهبهریا گشتی یا چاندنێ دووڤچوونا ئاریشێن جۆتیارێن چهمانكێ دكهت
ئامێدیێ، مهحمود نهێلی:
ب مهرهما ژ نێزیك ئاگههدار بوون ل سهر رهوشا چاندنێ و گوهداریكرن و دووڤچوون ل سهر ئاریشێن جۆتیاران ل وێ دهڤهرێ، ئهحمهد جهمیل، رێڤهبهرێ گشتیێ چاندنێ ل پارێزگهها دهۆكێ و رێڤهبهرێ چاندنا دهڤهرداریا ئامێدیێ و بهرپرسێ هۆبا چاندنا چهمانكێ، سهرهدانا رێڤهبهریا ناوچهداریا چهمانكێ و چهندین گوندێن وێ ناوچێ كر.
ئهندازیار ههكار ئامێدی، رێڤهبهرێ چاندنا ئامێدیێ بۆ رۆژناما ئهڤرۆ دیار كر، د ڤێ سهرهدانێ دا دووڤچوون ل سهر رهوشا چاندنێ ل ناوچهداریا چهمانكێ ب گشتی و گوندێن سپیندارێ و سیارێ و شلیا هاته كرن و ژ نێزیك هایداری رهوشا چاندنێ و داخوازی و ئاریشێن جۆتیارێن وان گوندان بوو، دیسا ههر د ڤێ سهرهدانێ دا رێڤهبهرێ گشتیێ چاندنێ گوهداریا ئاریشه و گرفتێن جۆتیارێن دهڤهرێ كر و ژ نێزیك هایداری گازنده و ئاریشێن وان بوو.
