سه‌رۆكێ فره‌نسا: مباپی جه‌نه‌رالێ فره‌نسایه
ئه‌ڤرۆ،
پشتی ب دووماهی هاتنا یاریا دووماهیێ یا مۆندیالا جیهانی 2022 ئه‌وا ب سه‌ركه‌فتنا هه‌لبژارتیێ ئه‌رجه‌نتین ل سه‌ر هه‌لبژارتیێ فره‌نسا ب دووماهی هاتی ب لێدانێن په‌نه‌لتیان 4-2 و ده‌مێ یاریێ ب هه‌ردو چارێكێن زێده‌كری ب سێ گۆلان وه‌كهه‌ڤی ب دووماهی هاتی، سه‌رۆكێ وه‌لاتێ فره‌نسا ئیمانوێل ماكرۆن په‌سنا ستێرێ هه‌لبژارتیێ وه‌لاتێ خوه كلیان مباپی كر ئه‌وێ ب تۆماركرنا هه‌شت گۆلان بوویه گۆلكه‌رێ جیهانی.
ماكرۆنی بۆ رادیۆیا ئار ئێم سی یا فره‌نسی گۆت: هه‌موو یاریزان جهێ شانازیێ نه و وه‌كو له‌شكه‌رێ فره‌نسا به‌رگێریا ناڤێ وه‌لاتێ خوه دكرن تایبه‌ت هێرشبه‌ر كلیان مباپی ئه‌وێ سه‌رێ مه بلند كری، هه‌رچه‌نده نه گه‌هشتینه ئارمانجا خوه لێ ئه‌وی و هه‌موو یاریزانان هێز و زاخا فره‌نسیا نیشا هه‌موو جیهانێ دا، مباپی وه‌كو جه‌نه‌رالێ فره‌نسی د ناڤ یاریگه‌هێ دا بوو، پشتی یاری ب دووماهی هاتی من گۆتێ ژیێ ته 24 سالن و ته پێنگاڤێن مه‌زن ماینه شانازیێ ب ته دبه‌ین ئه‌ڤه ته‌پا پێی یه و خوساره‌تی بلا ده‌رۆنێ ته تێكنه‌ده‌ت ئه‌ز ژی وه‌كو ته یێ خه‌مگینم لێ فره‌نسا هه‌موو ل پشتا ته‌یه.
