ئێكه‌تیا ته‌پا پێی یا كوردستانێ بڕیارێن تۆند و ژڤانێن چه‌ند خولێن راگه‌هاند
ئه‌ڤرۆ، قه‌یس وه‌یس
د كۆمبوونا خوه یا ئاسایی دا ئێكه‌تیا ته‌پا پێی یا كوردستانێ چه‌ند بڕیار و راسپارده ده‌ركرن ژوانا سزادانا جه‌ماوه‌رێ یانه‌یا سێمێلێ و راگرتنا راهێنه‌رێ تیما یانا زاخۆ و ژڤانێ چه‌ند خولێن جودا راگه‌هاندن.
د داخویانیه‌كێ دا ئازاد محه‌مه‌د ئه‌ندامێ ئێكه‌تیا ته‌پا پێی یا كوردستانێ بۆ رۆژناما ئه‌ڤرۆ گۆت: ده‌ستپێكا كۆمبوونا مه یا ئاسایی ل سه‌ر دانانا ژڤانێ وه‌رزێ نوو یێ قاره‌مانی و دو خولێن هه‌رێمێ بوون، پشتی گه‌نگه‌شه هاتیه كرن تێدا بڕیار هاته دان كۆپا كوردستانێ ل ئێكی شۆباتا سالا بهێت ده‌ستپێبكه‌ت، هه‌روه‌سان ژڤانێ ده‌ستپێكرنا خولا فۆتسالا كچال ل10ی هه‌مان هه‌یڤێ هاته دیاركرن، دیسان ژڤانێ خولا لاوان بۆ 15ێ ئادارا سالا 2023ێ بهێته ده‌ستنیشانكرن.
ژلایه‌كێ دووڤه ناڤهاتی گۆت: د كۆمبوونێ دا چه‌ند بڕیارێن دی هه‌بوون ژوانا ل سه‌ر یاریا یانه‌یا سێمێل و خانه‌قین ژ خولا پلا ئێكا ئه‌وا ل حه‌فتیا بوری ل یاریگه‌ها یانه‌یا سێمێل هاتیه كرن و پشتی دۆڤچوونا راپۆرتا سه‌رپه‌رشتێ یاریێ هاتیه كرن تێدا بڕیار هاته دان یانه‌یا سێمێل ب 500 هزار دینارا بهێته غه‌رامه‌كرن ژبه‌ر دووركه‌فتنا جه‌ماوه‌ری ژ گیانێ وه‌رزشی، دیسان راهێنه‌ر، سه‌رپه‌رشتیار و یاریزانه‌كێ یانه‌یا خانه‌قین هاتنه راگرنگ دناڤبه‌را ئێك هه‌تا سێ یاریان و هه‌ر ئێك ژ ب 500 هزار دیناران هاتنه غه‌رامه‌كرن، ژلایه‌كێ دووڤه بڕیار هاته دان راگرتنا راهێنه‌رێ تیما یانه‌یا زاخۆ د خولا پلا نایاب دا حسێن عه‌بدوللا بۆ ئێك یاری و غه‌رامه‌كرنا وی ب كۆژمه‌یێ 250 هزار دیناران.
