13 قوتابخانه ل ئامێدیێ دهێنه نووژهنكرن
ئامێدیێ، مهحموود نهێلی:
د بهردهوامیا كار و پڕۆژهیێن خزمهتگوزاری دا یێن حكومهتا ههرێما كوردستانێ پێشكێشی وهلاتیان دكهت، 13 قوتابخانه ل دهڤهرا ئامێدیێ دهێنه نووژهنكرن و ههژمارهكا دی ژی د رێزێ دانه، كو رازیبوون ل سهر نووژهنكرنا وان بهێته كرن.
وهجیهـ سهعید مستهفا، رێڤهبهرێ پهروهردا ئامێدیێ بۆ رۆژناما ئهڤرۆ دیار كر، نوكه كار د نووژهنكرنا 13 قوتابخانان دا ا سنوورێ دهڤهرداریا ئامێدیێ دهێته كرن و گۆت: “كارێ نووژهنكرنا ڤان قوتابخانان ژ سهخبێریكرن و ئاڤاكرنا ژوورێن زێده و قێركرنا بانێ وان، ههروهسا ئاڤاكرنا سیاجێن ههژمارهكا قوتابخانان و بوویاغكرن و سهخبێریكرنا كارهب و ئاڤێ پێك دهێت”.
ناڤهاتی دیار ژی كر، ئهڤ قوتابخانه ل سهر بودجا وهزارهتا پهروهردێ یا حكومهتا ههرێما كوردستانێ دهێنه نووژهنكرن و گۆت: “پتر ژ 260 ملیۆن دیناران بۆ نووژهنكرنا ڤان قوتابخانان هاتینه تهرخانكرن، دیسا ل نێزیك ههژمارهكا دی ژی یا قوتابخانان ل دهڤهرا ئامێدیێ دێ هێنه نووژهنكرن و سهخبێركرن”.
