ههر پێشمهرگهیهكێ خانهنشین دبیت گوژمهكێ پارهی دێ وهرگریت
ههولێر، قائید میرۆ:
بڕیاره د دهمێ خانهنشینبوونێ دا گوژمهكێ پارهی بۆ پێشمهرگهی بهێته مهزاختن و ئهندامهكێ لژنا پێشمهرگهی ژی ل پهرلهمانێ كوردستانێ دبێژیت: ههیڤانه ئهو پارهیێ ژ مووچێ پێشمهرگهی هاتیه بڕین، بڕیاره د دهمێ خانهنشینبوونێ دا بۆ وان بهێته ڤهگهڕاندن.
سهعید ههركی، ئهندامێ لژنا پێشمهرگهی ل پهرلهمانێ كوردستانێ بۆ رۆژناما ئهڤرۆ دیار كر، ههموو فهرمانبهرێن حوكمهتێ دهمێ مووچه بۆ دهێته مهزاختن رێژهیهك ژێ دهێته بڕین و د دهمێ خانهنشینبوونێ دا دوباره بۆ دهێته ڤهگهڕاندن و گۆت: “ئهو پارهیێ ههیڤانه ژ مووچێ پێشمهرگهی دهێته بڕین دهمێ پێشمهرگه خانهنشین دبیت بۆ ناهێته ڤهگهڕاندن، لهوڕا بزاڤ دهێنه كرن، كو مینا ههموو فهرمانبهرێن دی د دهمێ خانهنشینیێ دا ئهو پارێ ههیڤانه دهێته بڕین بۆ پێشمهرگهی ژی بهێته ڤهگهڕاندن”.
سهعید ههركی گۆتژی: “ههر دو وهزارهتێن پێشمهرگهی و دارایی ل دۆر ئهڤێ چهندێ دانوستاندن كرینه و وهزارهتا دارایی گوژمهكێ پارهی ههیڤانه بۆ پێشمهرگهیێن خانهنشین مهزاختیه، بهلێ ئهو پاره كێمه و بههرا ههموو پێشمهرگهیان ناكهت، لهوڕا بڕیاره پێداچوون بهێته كرن و پارهیهكێ زێدهتر بهێته مهزاختن، ب ڤێ چهندێ ژی ئهو پێشمهرگهیێن بڕیارا خانهنشینا وان دهردكهڤیت دێ ژ وهرگرتنا گوژمهكێ پارهی مفادار بن”.
