حسێن قائێدی: هیچ وهلاتهك ههڤكاریا رهڤاندیێن ئێزدی ناكهت
بهرپرسێ نڤیسینگهها رزگاركرنا رهڤاندیێن ئێزدی دیار كر:” ههتا نوكه ژی دوو هزار و 600 كهسێن ئێزدی ماینه دبن دهستێ تیرۆرستێن داعش دا و مه گهلهك جاران داخواز ژ دهولهتێن ئوروپی و ئیسلامی و عهرهبی كریه ههڤكاریا ئێزدیان بكهن، لێ ههتا نوكه ژی نهكرینه و ئهڤ هژمارا رهڤاندیێن ئێزدی ماینه دناڤ خێزانێن تیرۆرستێن داعشێ دا و هێشتا نههاتینه رزگاركرن”.
دهۆك، لهزگین حوقی
حسێن قائێدی، بهرپرسێ نڤیسێنگهها رزگاركرنا رهڤاندیێن ئێزدی دیار كر: ل سالا 2014ێ تیرۆرستێن داعش ب ههوهكا بهرفرهه رابوون، ئێك ژ ئارمانجێن تیرۆرستان ئهو بوون زیانی بگههیننه كچ و ژنان، ل وی دهمێ شهش هزار و 417 كهس ژلایێ تیرۆرستێن داعش ڤه هاتنه دهستهسهركرن، ژ وان ژی چار هزار كچ و ژن بوون، ههموو ژی تووشی زولم و زۆرداریێ بوون. ههروهسا ژی ئاینێ وان هاتیه گوهارتن و ناڤێن كچ و ژنێن ئێزدیان ژی هاتینه گوهۆرین و گهلهك تووشی زۆلم و زۆرداریێ بوون”.
ئاماژه دا وێ چهندێ ژی : ل سالا 2014ێ وهره ههتا نوكه، گهلهك جاران مه داخواز ژ كۆمهلگهها نیڤدهولهتی ب تایبهتی ژی وان سازیان كریه یێن ب ناڤێ مافێ ژنێ دئاخڤن ههڤكاریا ئێزدیان بكهن بۆ رزگاركرنا رهڤاندیان یێن ههتا ئهڤرۆكه ل بن دهستێ تیرۆرێ دا بهێنه رزگاركرن، لێ مخابن ههتا ئهڤرۆكه ژی ههڤكاری نهكرینه و چو كهس و لایهنان ههڤكاریا ئێزدیان نهكرن بۆ رزگاركرنا رهڤاندیێن ئێزدی، ب تنێ حكومهتا ههرێما كوردستانێ و سهرۆكێ حكومهتا ههرێما كوردستانێ پشتهڤانیا ئێزدیان كرن نڤیسینگهههك بۆ رزگاركرنا رهڤاندیان ڤهكرن و دهست ب كارێ رزگاركرنێ هاته كرن و ههتا نوكه پتر ژ سێ هزار و 562 كهسان رزگاربووینه، ژ وانا ژی هزار و 100 كهس ژنن هاتینه رزگاركرن”.
