سالا بۆری 103ێ پڕۆژهیێن وهبهرهێنانێ ل دهۆكێ هاتینه دروستكرن
ئهڤرۆ، نهوزاد هلۆری:
ب مهرهما خزمهتكرنا خهلكێ پارێزگهها دهۆكێ و دابینكرنا دهلیڤێن كاری، د سالا بۆری دا 103 پڕۆژهیێن وهبهرهێنانێ ب گوژمێ نێزیكی 106 ملیۆن دۆلاران هاتینه چێكرن، پڕانیا وان ژی د وارێ بازرگانی، ساخلهمی و گهشتیاری دا بوون.
فهلاح حاجی، ژ رێڤهبهریا گشتی یا وهبهرهێنانێ ل پارێزگهها دهۆكێ بۆ رۆژناما ئهڤرۆ گۆت: (د سالا بۆری دا ل ههرێما كوردستانێ كهرتێ وهبهرهێنانێ گهشهكا باش ب خوهڤه دیتیه، پارێزگهها دهۆكێ ژی بههرا خوه تێدا ههبوو، د سالا بۆری دا 131 پڕۆژه هاتینه پێشكێشكرن و داخوازا دانان و دامهزراندنا وان هاتیه كرن، ژ وان ژی 105 پڕۆژه ژ لایێ رێڤهبهریا گشتی یا وهبهرهێنانێ ل دهۆكێ هاتینه پهسهندكرن و مامهلهیێن وان د قووناغێن ب ڕێڤهچوونێ دانه ل گهل لایهنێن پهیوهندیدار بۆ دانا مۆهلهتێ، ژ وان ژی ههتا نوكه 16 پڕۆژهیان مۆهلهتا وهبهرهێنانێ وهرگرتیه، سهرمایێ پڕۆژێن سالا بۆری یێن وهبهرهێنانێ دبیته گوژمێ 105 ملیۆن و 877 هزار و 357 دۆلار).
زێدهتر گۆت: (ههڤبهركرن ل گهل سالا 2021ێ ههژمارا پڕۆژێن مۆهلهت وهرگرتی 12 پڕۆژه زێده بووینه، ژ وان گرنگترین پڕۆژهیێن وهبهرهێنانێ شهش پڕۆژێن بازڕگانی، چار ساخلهمی، سێ پڕۆژێن گهشتیاری، دو پڕۆژێن فێركرن و پهروهرده و پڕۆژهكێ پیشهسازیا چاندن و خوارنێ بووینه، ژ سالا 2007ێ ههتا دووماهیا 2022ێ ژی ل سنوورێ پارێزگهها دهۆكێ 259 پڕۆژان مۆهلهت وهرگرتیه، سهرمایێ وان دبیته پێنج ملیار و 755 ملیۆن و 818 هزار و 840 دۆلار).
