273 فهرمانبهرێن كۆمسیۆنێ ل دهۆكێ بووینه ههمیشهیی
ههولێر، قائید میرۆ:
رێڤهبهرێ ئوفیسا دهۆك یا كۆمسیۆنا ههلبژارتنێن ئیراقێ دیار كر، پشتی بڕیارا حوكمهتا ئیراقێ 273 فهرمانبهرێن كۆمسیۆنێ بووینه ههمیشهیی و بڕیاره سێ هزار فهرمانبهرێن دی ب گرێبهست بهێنه دامهزراندن و پشكا شێری دێ ل بهر ههرێما كوردستانێ كهڤیت.
خالد دۆسكی، رێڤهبهرێ كۆمسیۆنا ههلبژارتنێن ئیراقێ ل دهۆكێ بۆ رۆژناما ئهڤرۆ دیار كر، ب بڕیارا جڤاتا وهزیرێن ئیراقێ فهرمانبهرێن گرێبهست یێن كۆمسیۆنێ بووینه ههمیشهیی و ب ڤێ چهندێ 273 فهرمانبهرێن كۆمسیۆنێ ل پارێزگهها دهۆكێ مفادار بووینه و دێ بنه ههمیشهیی ب ڤێ چهندێ ژی دێ مووچێ وان دو بهرامبهر زێده بیت، چونكی فهرمانبهرێن گرێبهست ب تنێ 500 هزار دینار مووچێ وانایه.
خالد دۆسكی گۆت: “سێ هزار فهرمانبهرێن دی گرێبهستا دهمكی ههبوویه ب تنێ بۆ دهمێ ههلبژارتنان بڕیاره ئهو ژی ببنه گرێبهست و بهێنه دامهزراندن، ئهڤرۆ سێشهمبیێ بڕیارهك ل دۆر وان سێ هزار فهرمانبهران دێ هێتهدان، ژ بهركو ل دووماهیا سالا 2021ێ گرێبهستێن وان هاتینه راگرتن ئهگهر بهێت و ئهو ژی بهێنه دامهزراندن دێ مفایهكێ زۆر ههبیت، ژ بهركو نیڤا وان یێن ل ههرێما كوردستانێ”.
