ب رێیا پیشانگهههكێ جلكێن ماركه دێ ل سهر خهلكێ هێنه بهلاڤكرن
ئهڤرۆ ، سالار محهمهد دۆسكی:
رێڤهبهرا كارگێری ل كومهلا ههیڤا سورا عیراقی ئاشكراكر، پتریا كاری ل گهل خهلكێ خوه ل ناڤخۆیا باژێری ئهنجامددهن، زێدهباری كهمپێن ئاواران وهك خهلكێ وهلاتی سهرهدهری ل گهل دهێتهكرن و ئهڤه پشتی ڤهكێشانا رێكخراوێن نیڤ دهولهتی ژ كهمپان.
بهیان رهمهزان، رێڤهبهرا كارگێری ل كومهلا ههیڤا سورا عیراقی لقا دهۆك بۆ رۆژناما ئهڤرۆ گۆت: ل سالا 1932 ههیڤا سورا عیراقێ هاتیهدانان، ل سالا 1992 ل دهۆكێ ههیڤا سورا عیراقی هاتیه ڤهكرن و ههتا نوكه نێزیكی 600 نڤێسینگهها ل عیراقێ ههنه و حوكمهتا عیراقێ و رێكخراوێن نێڤدهولهتی پشتهڤانیێ دكهن، ئارمانج ژ دانانا وێ ئهوه بۆ دروستبوونا ههر روودانهكا نه چاڤهرێكری هاریكاری یا خهلكێ خوه بكهن و ل دووڤ دا هاریكاریا ئاواران بكهت.
ناڤبری گۆت: وهك ههیڤا سۆرا عیراقی لقا دهۆك مه 37 فهرمانبهر ههنه و نڤیسینگهه ژی مه ل زاخو و ئاكرێ و ئامێدیێ ههنه و زێدهباری مه نڤسینگهه ل سهرسنگ و چهندین دهڤهرێن جودا ل دهردورا سهنتهرێ دهۆك ههبوون، لێ كادرێ ئهوا نڤسینگهها خوه ڤه كێشا، وهك ههیڤا سورا عیراقی ئهم كارێ مرۆڤایهتی دكهین و پشتهڤانی ژ حوكمهتا عیراقێ بۆ مه دهێت و گهلهك جارا هندهك رێنما ژ حوكمهتا عیراقێ بۆ مه دهێن ل كوردستانێ ئهو رێنما نینن و ئهڤه نابنه ئاستهنگ د كارێ مه دا، لێ جێوازی ل گهل پارێزگهههكا دی ههیه ل عیراقێ.
بهیانێ زێدهتر گۆت: هاریكاری ل دهسپێكێ بۆ كهرهستێن دهسپێكی دهێت، وهك كهرهستێن خوارنێ و پێدڤی رۆژانه وهك ئامان و كهرهستێن ساخلهمی و پاقژكرنێ و چهندین جورێن پاكێچا و ل دووڤ ئهندامێن خێزانێ دهێنهدان و ههر خێزانهكێ ب رهنگهكی و ماوه ل سهر دهێته دیاركرن.
خانم بهیانێ گۆت ژی: پشتهڤانیا بۆ مه دهێت ل دووڤ رێژا خهلكی یه ل سهنتهرێ باژێری و ل سالێن بوری مه پرۆژه ههبوون و ل ئامێدیێ ههتا 2000 خێزانان مه 500 هزار دینار دانێ و ئهڤه و پشتی دهاتنه ههلسهنگاندن و دووڤچوون ل سهر دهاتهكرن پێشتر دبێ كارن، مه ههمی بزاڤ كرینه خهلكێ مه ژی پشكداربیت.
رێڤهبهرا كارگێری ل كومهلا ههیڤا سورا عیراقی ئهو ژی گۆت: نوكه كار ل سهر ڤهكرنا پیشانگهههكێ دكهین یا جلكێن نووی یه و خهلكێ مه دێ پشكداربیت و جلكێن ئێك ههیڤی و ههتا مرۆڤێ، دانعهمران و ههمی كهسان بخوهڤه دگریت و جلكێن زڤستانێ نه و پشتهڤانی بۆ مه هاتیه و دێ بهردهوام بیت ژ شهش ههیڤان و ههتا سالهكێ و دێ بۆ خهلكێ مه بیت و خێزان ب ههمی ئهندامێن خوه ڤه هێت پیشانگههێ و ب نیڤا دلێ خوه دێ سێتهكێ كامل یێ جلكان وهرگریت و ههتا جانته و قهمیسان ژی و ئهڤه رێكهفتن ل گهل كومپانیهكێ هاتیهكرن و دێ ل دووڤ وهرزی بۆ مه جلكان ئینیت و ئهف جلكه ل دووڤ ستاندارێن جیهانی ئینیت و هژمارهكا باش یا خێزانان دێ مفاداربن و ئهڤه دێ بۆ خهلكێ دهۆكێ بیت… زێدهباری مه پرۆژهكێ دی ههیه و بهلاڤكرنا ئهرزاقی یه ل سهر خهلكێ كێم دهرامهت و پێدڤی و ههر سهرۆك خێزان دێ سێ پاكێچهكێ وهرگریت و 200 خێزان دێ مفاداربن.
