پلانهكا باش بۆ پشتهڤانی و ههڤكاریكرنا ئاوارهیان هاتیه دانان
دهۆك، لهزگین جوقی:
رێڤهبهرێ كۆچ و كۆچبهران و بهرسڤدانا قهیرانان ل پارێزگهها دهۆكێ دیار كر، ل سنوورێ پارێزگهها دهۆكێ و ئێدارهیا سهربخوه یا زاخۆ 20 كهمپێن ئاواره و پهنابهران ههنه و دبێژیت: ههتا نوكه حكومهتا ئیراقێ ب گوژمێ 180 ملیار دیناران پارهیێ كارهبا كهمپان قهرداره.
پیر دهیان جهعفهر، رێڤهبهرێ كۆچ و كۆچبهران و بهرسڤدانا قهیران بۆ رۆژناما ئهڤرۆ گۆت: “ههتا نوكه پتر ژ 90% ئاوارهیێن شنگالێ د ناڤ كهمپان دا ماینه و ژ بهر رهوشا شنگالێ و نهبوونا پڕۆژهیێن خزمهتگوزاری نهشیاینه ڤهگهڕنه سهر مالێن خوه، دیسا هێشتا حكومهتا ئیراقێ پارێ كارهبا كهمپێن ئاواره و پهنابهران نهمهزاختیه”.
گۆتژی: “ئهڤ ساله پلانهكا باش بۆ پشتهڤانی و ههڤكاریكرنا ئاوارهیان د ناڤ كهمپان دا هاتیه دانان، داكو ئهو ڤالاهیا ژ ئهگهرێ كێمبوونا پشتهڤانیا رێكخراوان پهیدابووی حكومهتا ئیراقێ پڕ بكهت، ئهم یێ كار دكهین ب ههموو شێوهیان پشتهڤانیا ئاوارهیان بهێـته كرن”.
